Засгийн газрын 2024-2028 оны үйл ажиллагааны хөтөлбөр, “Хурдтай хөгжлийн төлөөх зориг” хамтарсан Засгийн газрын гэрээнд “Бүсчилсэн хөгжлийн бодлого”-ыг хэрэгжүүлэхээр тусгасан билээ.

Монгол Улсын бүсчилсэн хөгжлийн шинэ үзэл баримтлалын хүрээнд Хангайн, Баруун, Хойд, Төвийн, Зүүн, Говийн, Улаанбаатарын гэсэн нийгэм, эдийн засгийн долоон бүс, тэдгээрийн хөгжлийн тэргүүлэх чиглэлийг баталсан.

Хангайн бүсийг “Уламжлалт мал аж ахуйн төрөлжсөн, хот байгуулалтын дэд бүс” байхаар төлөвлөсөн юм. Хангайн бүсэд Архангай, Өвөрхангай, Баянхонгор аймаг багтдаг. Өнөөдрийн “Хангайн бүсийн зөвлөл” анхдугаар хуралдаанд засгийн газар болон УИХ-ын гишүүдээс гадна орон нутгийн мал, аж ахуй эрхлэгч нарын төлөөлөл оролцож санал бодлоо солилцсон нь онцлог байлаа.

Монгол Улсын Тэргүүн Шадар сайд бөгөөд Эдийн засаг, хөгжлийн сайд Л.Гантөмөр “Хангайн бүсийн зөвлөл” анхдугаар хуралдаанд оролцож илтгэл тавихдаа улсын хөгжлийн суурь нь хүний хөгжил харин бүсчилсэн хөгжил хүнээ хөгжүүлж баян, ядуугийн ялгааг арилгах зорилготой.

Архангай аймгийн хувьд мал, аж ахуйгаа өргөжүүлэхийн тулд бэлчээр, ус гэсэн дэд бүтцээ асуудалгүй болгох нь нэн тэргүүний асуудал гэдгийг тодотгосон юм. Хангайн бүсийн хувьд эдийн засгийн 52.6 хувийг мал, аж ахуй эзэлдэг. Тийм учраас энэ бүсийг мал, аж ахуй, хот байгуулалтын дэд бүс болгон хөгжүүлэхээс гадна аялал жуулчлалын чиглэлээр хөгжүүлэхээр болж байна.

Сэтгүүлч

Сэтгүүлч Б.Хонгорсайхан