Төрийн байгуулалтын байнгын хорооны гишүүд Монгол Улсын Үндсэн хуульд нэмэлт, өөрчлөлт оруулах журмын тухай хуулийн төслийн эцсийн хэлэлцүүлгийг хийж байв. Төслийн талаар олигтой тайлбарлах хүн олдохгүй хэсэг хүлээх боллоо.

Эцэг хуулийг өөрчлөхөөр бол энгийн хуралдаанаас арай илүү ирцтэй, идэвхтэй оролцох онцлогтой юм байна. Энэ талаар журмын төсөлд яаж тусгасныг гишүүд сайн ойлгохгүй нэмэлт тайлбар нэхсээр суулаа. Тэдэнд гаргацтай тайлбар өгөх хүн нь Д.Лүндээжанцан байв.

Гэвч тэрээр хуралдаанд цагтаа ирж амжсангүй. Байнгын хорооны дарга Ө.Энхтүвшин гишүүдээ тайвшруулав. Тэрээр "Лүндээ дарга удахгүй ирнэ. Наашаа гүйж яваа гэсэн. Гуравхан минут хүлээгээрэй" гэв. Удалгүй Лүндээ дарга ч орж ирэн тайлбараа өгсөн юм. Тзрээр хуулиин төсөл дээр ажиллахад хөөрхөн зовлон үүсээд байгааг учирлаж суулаа.

Эх сурвалж: Өөр мэдээ