Өнөөдөр УИХ-ын гишүүдийн 72,3 хувьтай байна . УИХ-ын чуулган, байнгын хорооны хуралдаан зохион байгуулах албанаас мэдээлэлж байгаагаар зургаан гишүүн гадаадад, найман гишүүн орон нутагт, дөрвөн гишүүн өвтэй, нэг гишүүн чөлөөтэй байна.

Тухайлбал УИХ-ын дарга Д.Дэмбэрэл, А.Тлейхан нар Баян-Өлгий, Ховд аймагт, Р.Буд, Л.Улаан нар Сүхбаатар аймагт, Д.Дамба-Очир Орхон, Д.Одбаяр Дорнодод, Ж.Сүхбаатар Дархан аймагт, Ц.Сэдванчиг хөвсгөл аймагт тус тус ажиллаж байгаа бол УИХ-ын томилолтоор Г.Батхүү дэд дарга АНУ-д, Л.Гүндалай ХБНГУ-д ажиллаж байна. Харин Засгийн газрын шийдвэрээр Л. Болд, Г.Занданшатар, Даш.Зоригт нар Швейцарь ажиллаж байгаа бол Хүлээн авагч талын зардлаар Х.Наранхүү Японд байгаа ажээ.

Б.Батбаяр, С.Баяр, Ц.Дашдорж, Ц.Даваасүрэн, Э.Мөнх-Очир, З.Энхболд нарын зургаан гишүүн өвчтэй , Д.Ганхуяг гишүүн чөлөөтэй гэсэн мэдээтэй байна.