УИХ-ын чуулганы нэгдсэн хуралдаанаар Газрын тосны үйлдвэр байгуулах тухай УИХ-ын тогтоолын төслийн эцсийн хэлэлцүүлгийг хийж, гишүүдийн 87.8 хувийн саналаар тогтоолыг баталлаа.

Хуралдаанд оролцсон 41 гишүүний 36 нь дэмжиж, таван гишүүн татгалзаж 87.8 хувийн саналаар батлагдсан юм. УИХ-аас тогтоол гаргаснаар Засгийн газарт газрын тосны үйлдвэр байгуулах үүргийг албан ёсоор ногдуулж байгаа гэсэн үг юм.

Засгийн газар газрын тосны боловсруулах үйлдвэрийг бүсчилж байгуулахаар төлөвлөөд байгаа. Дархан-Уул аймагт баригдах газрын тосны үйлдвэр байгуулах шавыг өнгөрсөн оны намар тавьсан. Харин Дорнод аймагт байгуулах газрын тосны үйлдвэр байгуулах бодлогыг хувийн хэвшлүүд дэмжин, саналаа ирүүлээд байгаа юм.