Ёс зүйн дэд хорооны дүрэм батлагдаад багагүй хугацаа өнгөрлөө. Дүрмийн дагуу дэд хороогоор УИХ-ын гишүүдийн Хөрөнгө орлогын мэдүүлэг (ХОМ)-ийн үн
эн зөвийг нягтлах талаар тусгагдсан. Энэ ажил хэрхэн биелэлээ олж байгааг дэд хорооны дарга Г.Баярсайханаас тодрууллаа.

-Ёс зүйн дэд хороогоор гишүүдийн ХОМ-ийг шалгана гэсэн. Ажлаа эхэлсэн үү?

-Улстөрчдийн хөрөнгө орлогын мэдүүлгийг нийгэм ил тод байлгахыг шаарддаг. Нээлттэй байх ёстой гэж дад хорооны даргын хувьд үздэг. Улстөрчид, төрийн байгууллагын дарга авлигад өртдөг гэж үздэг тул ил байх нь зүйтэй. Дэд хорооны хурлаар гишүүдийн ХОМ-т мониторинг хийе гэсэн санал оруулсан. Гэтэл зарим гишүүн дургүй байна лээ. Су.Батболд, бид хоёроос бусад нь мониторинг хийх шаардлагагүй гэж үзсэн. Ёс зүйн дэд хороо олонхоороо асуудлыг шийддэг тул дэмжлэг авч чадаагүй

-Яагаад зөвшөөрөөгүй юм бол. Үүний цаана ямар нэгэн нууц шалтгаан байгаа юм болов уу?

-Шалтгаан нь Авлигатай тэмцэх газар УИХ-ын гишүүдийн ХОМ-т хяналт тавьсан гэж үзсэн. Юуны түрүүнд гишүүдэд Ёс зүйн дэд хорооны дүрмийг танилцуулж, сурталчлах хэрэгтэй байна. Мөн ашиг сонирхлын зөрчлийн талаарх зөрүүтэй ойлголтыг нэг болгоно. Тухайлбал, нэг төрлийн бизнес эрхэлдэг байж тэр чиглэлийн дагуу санал хураалтад оролцоод явж байгаа нь ашиг сонирхлын зөрчлийн нэг илрэл. Тиймээс энэ нөхцөлд санал өгч болохгүй.

-Тэгэхээр гишүүдийн ХОМ-т хяналт тавихаа болино гэсэн үг үү?

-Дараагийн хурлаар энэ талаар дахин санал оруулна аа. Харин ашиг сонирхлын зөрчлийн талаар нээлттэй хэлэлцүүлэг хийхийг га-шүүд дэмжсэн. Ашиг сонирхлын зөрчлийн талаар байр сууриа илэрхийлдэг байгууллагуудтай хамтран ирэх есдүгээр сард хийхээр төлөвлөсөн. Энэ үеэр ХОМ-ийн талаар яригдах байх гэж бодож байна. Ёс зүйн дэд хорооны дүрэмэд ХОМ-ийг үнэн зөв бөглөсөн эсэхэд хяналт тавина гэж заасан байгаа. Дүрэмд заасны дагуу үүргээ гүйцэтгэх гэхэд дургүйцсэнд миний зүгээс гайхаж байгаа.