УИХ-ын Эдийн засгийн байнгын хорооны хуралдаанаар хэлэлцсэн хоёр дахь асуудал нь ажлын хэсгийн ахлагч нарыг сонгох тухай байв. Тухайлбал, Монгол Улсын 2012 оны төсвийн тухай хуульд нэмэлт өөрчлөлт оруулах тухай хуулийн төслийг боловсруулах бүхий ажлын хэсгийн ахлагчаар тус байнгын хорооны дарга Б.Гарамгайбаатарыг , Хадгаламж даатгалын тухай хуулийн төсөл болон холбогдох хуулийн төслийг боловсруулах бүхий ажлын хэсгийн ахлагчаар УИХ-ын гишүүн Ц.Баярсайханыг сонгох нь зөв гэж тус бүр үзлээ. Эл асуудлыг хэлэлцэн шийдвэрлэснээр тус байнгын хорооны хуралдаан өндөрлөөд байна.