Түүний санаачилга, дэмжлэгийг Хан-Уул дүүргийн Засаг даргын Тамгын газар, “Глобал удирдагч” дээд сургууль ажил хэрэг болгосон байна. Оюутан, сурагч гээд нас насны залуус англи хэлний мэдлэгийн төвшнөөрөө гурван ангилалд хуваагдан бүтэн сарын турш хичээллэсэн бө­гөөд “Глобаль удирдагч” дээд сургуулийн чадварлаг багш нар тэдэнд үлгэрлэжээ. Зуны сургалтыг төгсөгчид өнгөрсөн бямба гаригт төгсөл­төө хийж, сертификатаа гардан авлаа. Суралцагсад зуныг үр бү­тээл­тэй өнгөрөөж, богино ху­га­цааны эрчимтэй сургалтыг үр дүнд сэтгэл хангалуун бай­гаа­гаа энэ үеэр илэрхийлсэн юм.

Цаг үеийнхээ хөгжлийн хурдыг энэ сургалтын явцад жинхэнэ утгаар нь ойлгосноо тэд ярьсан юм. Эхэндээ тэвдэж байсан ч энэ хэмнэлтэй хөл нийлэхгүйгээр ирээдүйгээ сайх­наар төсөөлөх аргагүй тэд мэдэрсэн байна. Нийгэм тэдний өмнө өнөөдрийн мэргэ­жилт­нүү­дийнхээс ч хавьгүй өндөр чадвар,болвсролыг шаардана гэдгийг хүлээн зөвшөөрсөн байна. Хуульч байлаа гэхэд олон улсын төвшинд гэрээ, хэлцэлд оролцох чадвартай байх ёстой. Үүний тулд гадаад хэл, тэр дундаа англи хэлийг эзэмшихгүйгээр амжилтад хүрэх­гүй учраас тэд бүтэн сарын турш өглөө, оройгүй суралцсан байна. Нийт суралцагчдаас 20 хүүхэд TOEFL-ийн сургалтад дэвшин суралцах эрхээр шагнуулсныг УИХ-ын гишүүн, Батлан хамгаалахын сайд Л.Болд сайшааж, батламжийг нь гар­­дуулан өгсөн юм. Энэ үеэр тэр хэлэхдээ “Монголчууд морин дэл дээрээс дэлхийг эзэгнэн төрд улсаа төвхнүүлж явсан түүхтэй. Өнөөдөр бидэнд да­хин дэлхийн энд гарах хөлөг морь хэрэгтэй болж байна. Энэ морь нь гадаад хэл. Тийм учраас та бүхэн боломж бү­рийг ашиглаж, боловсрол мэд­лэ­гээ дээшлүүлэхэд шамдах ёстой” гэсэн юм. Түүний ху­вьд орос, англи, герман, франц хэлтэй гэдгийг сонсоод хүүхдүүд нижигнэтэл алга ташиж байлаа. Улам илүү су­рал­цах хүслээр оргилсон хүүх­д­үүд англи хэлний зуны сургалтын туршид зөвхөн ном шагайгаагүй гэнэ. Тэд “Бадамлянхуа” хүүхэд ас­ран хүмүүжүүлэх төвийн бага­чуудад тусалж, Туул голын эргийг цэвэрлэжээ. Боловсрол, мэдлэгтэй, өв тэгш иргэн байхын тулд нийгмийн өмнө ха­риуц­лага хүлээдэг, багаар ажил­ладаг байх ёстой учраас гэж үүнийг тайлбарлацгаасан юм.

УИХ-ын гишүүн Л.Болд тойргийнхоо сонгогчдод бо­ловс­ролыг дэмжих, мэдлэг чадвартай ирээдүйг бэлтгэхэд хөрөнгө оруулалт хийхээр амлаж байсан. Энэ хүрээнд Хан-Уул дүүргийн ЗДТГ-тай хамран хэрэгжүүлж буй цогц бодлогын нэг нь энэхүү зуны сургалт юм байна.