Монгол Улс ардчиллыг сонгосноор 20 жилийг ардаа орхижээ. Энэхүү зааг үеийн талаар санал асуулгад оролцогсдын байр суурийг сонирхлоо. «Таны хувьд шилжилтийн үе дууссан уу, дууссан бол үүний дараа биднийг юу хүлээж байна вэ» гэдэг асуулт
тавьсан юм.

УИХ-ын гишүүн Ж.Энхбаяр: Шилжилтэд бэлэн эсэхээ өөрөөсөө асуу

-Өнөөдөр Монгол улс ардчиллын зарчмаар төрийн эрх барих дээд байгууллагаа сонгож, эдийн засгийн нээлттэй бодлого бүхий ардчилсан улс болж чадлаа. Мөн ард түмэн оюун санааны алхам, шилжилтээ хийлээ. Ингээд үзвэл нийгмийн шилжилт явагдаад дуусч байна гэж хэлж болно. Монгол Улсад дэлхийд ховорхонд тооцогдох газрын баялаг бүхий нутаг байна. Тэрхүү баялгийг чөлөөтэй бүтээхэд ямар нэгэн саад алга. Үг хэлэх, хэвлэн нийтлэх эрх чөлөө хангалттай байна. Засаглалын хэлбэр ардчилсан зарчмаар, тайван замаар бие бие рүүгээ шилждэг боллоо. Өөр юу хэрэгтэй юм бэ. Одоо хувь хүн өөрөөсөө энэ бүхэнд бэлэн байна уу гэж асуух хэрэгтэй. Тийм учраас энэ бүхэнд бэлэн байна уу гэдгээ өөрөөсөө асуух хэрэгтэй. Маш олон хүн нийгэмдээ бэлэн биш байна. Хүн амын 70 орчим хувь нь шинэ нийгэмдээ дасан зохицож, амьдраад эхэлсэн. 30 хувь нь нийгэмдээ дасч чадахгүй байна. Тэгэхээр тэр нийгэмдээ дасч чадахгүй байгаа хүмүүсээ нийгмийн баримжаанд татах тал дээр анхаарах хэрэгтэй.

Улстөрийн хувьд Монгол Улсын шилжилт хэтэрчихээд байна