УИХ-ын гишүүн Г.Уянга сэтгүүлчдэд мэдээлэл хийлээ. Түүнд Golomt.org гэх цахим хаягнаас Ерөнхий сайд асан Г.Баярын АНУ-д бүртгэлтэй 7 тансаг хувийн хуасийн талаарх нэлээн дэлгэрэнгүй баримт, судалгаатай 120 хуудас мэдээлэл ирсэн байна.
Тиймээс тэрээр уг мэдээллийг олон нийт болоод хууль хүчний байгууллагынханд дуулгасан нь энэ аж. “Голомт-Цөмийн эсрэг хөдөлгөөн” ТББ нь С.Баярын анхны эхнэр О.Гэрэлтуяа, охин Б.Нандин, Б.Хонгор, Б.Бадамханд, шинэ найз бүсгүй Э.Сувд нарын нэр дээр бүртгэлтэй хаусуудын талаарх мэдээллийг олж сурвалжилж, ийнхүү буух эзэн, буцах хаягийн хамтаар тараалаа.
Эдгээр байшингуудын үнэ нийлээд 24 тэрбум төгрөг гэнэ. Мөн бүгд гурван давхар, олон унтлагын өрөөтэй тансаг зэрэглэлийн байшингууд аж. С.Баяр нь тус байшингуудыг 2009 онд Оюутолгойн гэрээг хийсний дараа авч эхэлсэн байна. Ингэхдээ мөнгө угаах аргаар авсныг доорх баримтуудад хавсаргажээ.
