Оросын армийн 100 жилийн ой энэ жил тохиож байна. Хүндэтгэлийн  арга хэмжээнд УИХ-ын гишүүн, Батлан хамгаалахын сайд Н.Энхболд уригдан оролцлоо.

Тэрбээр ОХУ-ын Ерөнхийлөгч Владимир Владимирович Путин, Батлан хамгаалахын сайд Сергей Шойгу нартай уулзаж , ойн арга хэмжээнд урьсанд талархлаа илэрхийллээ.

Энэ үеэр УИХ-ын гишүүн, Батлан хамгаалахын сайд Н.Энхболд Батлан хамгаалахын сайд Сергей Шойгутай хоёр орны цэрэг, цэрэг техникийн хамтын ажиллагаа, энэ онд болон дунд хугацаанд хамтран ажиллах талаар ярилцсан байна.

Мөн ОХУ-ын БХЯ-ны зүгээс Монгол Улсын Зэвсэгт хүчний зэвсэглэл техникийг шинэчлэн сайжруулах, цэргийн боловсон хүчин бэлтгэхэд тусламж үзүүлж байгаад талархал илэрхийлэв.

Түүх сөхвөл, 1918 оны нэгдүгээр сарын 28, 29-ны өдрүүдэд Зөвлөлт Орос Улсыг гадаад дотоодын дайснаас хамгаалах зорилгоор Ажилчин, Тариаланчдын Улаан арми, флот байгуулагдаж, хоёрдугаар сарын 23-нд сайн дурынхныг элсүүлж эхэлжээ. Тиймээс хоёрдугаар сарын 23-ны өдөр Улаан армийн төрсөн өдөр буюу ойн баяр тохиосон юм.