Улсын Их Хурлын гишүүд өөрийн сонгогдсон тойрог болон ард иргэдэд цар тахлын хүнд үед тусламж, хандив илгээсээр байна. Улсын Их Хурлын гишүүн Б.Баттөмөр өөрийн бие төлөөлөгчөөрөө дамжуулан Дархан-Уул аймгийн Онцгой комисс, Шуурхай штабт 71.095.000 төгрөгийн бараа материалын хандив хүргүүллээ. 

Уг хандивт 14 ширхэг зөөврийн кварц /хэт ягаан туяаны ариутгалын гэрэл/, 100,000 ширхэг амны хаалт, 30 тонн гурил, 330 тонн нүүрс зэрэг бараа материал багтаж байгаа юм. 

Хэт ягаан туяаны ариутгалын гэрлийг аймгийн Эрүүл мэндийн газар, Нэгдсэн эмнэлэг, Өрхийн эрүүл мэндийн төв, Сумын эрүүл мэндийн төвүүдэд хуваарилах юм байна. Харин амны хаалтыг хэрэгцээт байгууллагууд болон сумдад, гурил, нүүрсийг сумдын шуурхай штабаар дамжуулан айл өрхүүдэд хүргүүлэхээр болжээ.