Нийлбэр дүнгээр Олон улсын их мастер Нармандахын Мөнхшүр Дэлхийн хошой аварга болж, Олон улсын их мастер Тамирын Тэнүүн гутгаар байр эзэлсэн бол Олон улсын мастер Дүүрэнбаярын Хүслэн “Бага нас”-ны ангилалд түрүүлжээ.

Монгол Улсын баг тамирчид 90 медалиас 10 алт, 12 мөнгө, 11 хүрэл, нийт 33 медаль хүртэж нийт 21,435 оноогоор тэргүүлж, түүхэн амжилт үзүүлсэн байна. Тэмцээнд оролцсон 19 тамирчны тав нь Олон улсын мастер цолны болзол хангасан байна.

Ой тогтоолт, цээж бодолт, хурдан уншлага, спорт өрөлтийн шигшээ баг олон улсын хэмжээний 60 тэмцээнээс 101 цом, 1,115 медаль хүртээд байгаа юм.

Дашрамд дурдахад Монгол Улсын баг тамирчид 2021 онд болсон олон улсын математик, физик, хими, биологийн олимпиадаас 15 медаль хүртэж, математикийн олимпиадад дэлхийн 107 орноос 11 дүгээр байранд орж, түүхэн амжилт гаргасан юм. Эх орныхоо нэрийг оюун ухаанаараа өндөрт өргөж яваа дүү нартаа илүү их амжилт хүсэн ерөөе.