Ерөнхий боловсролын нэгдүгээр сургуулийн өргөтгөлийн барилын ажил санхүүжилтийн асуудлаас үүдэн ажил нь зогсоод байсан бол энэ жил Улсын төсөвт 826.4 сая төгрөгийг тусгуулан батлуулсан бөгөөд энэ сарын 15-20-ны хооронд нээлт хийнэ.

• Дээврээс ус гоожсон асуудлаар мэргэжлийн байгууллагууд гүйцэтгэгч компанид шаардлага тавьж асуудлыг шийдвэрлэсэн гэв.
• Шинэ барилга 3 давхар, 29 анги, 3 кабинет, спорт, урлагийн заал, гал тогоотой. Тус сургуулийн 1-6-р ангийн 40 бүлгийн 1500 гаруй сурагч энэ барилгад суралцана.
• 11 анги нь шинэ ширээтэй, гал тогоо, урлаг заалны тоног төхөөрөмж, техник хэрэгсэл шинэ.
• Ширээ сандал, хичээлийн хэрэглэгдэхүүнээр бүрэн хангах хүсэлтийг яаманд хүргүүлнэ.
• Шинэ байртай болсноор 1-р сургууль нь Сонгон, секц, хичээлээс гадуурх үйл ажиллагаагаар дамжуулан сурагчдыг хөгжүүлэх боломж нээгдэнэ. Мөн Хүүхэд хөгжлийн тусгайлсан өрөөтэй болж байгаа нь сайшаалтай юм.