Хөвсгөл далай зөвхөн монголчууд бидний амьдралыг тэтгээд зогсохгүй, ОХУ-ын цэнгэг усны 90 хувь, дэлхийн цэнгэг усны 20 хувийг бүрдүүлдэг Байгал далайд цутган, дэлхийн эко системийг тэтгэж байдаг билээ.

Гэтэл сүүлийн жилүүдэд огцом өсөн нэмэгдэж байгаа хүний хэрэгцээ, аялал жуулчлал, нуурт живсэн машин техник, хог хаягдал, нуурыг түшиглэн үйл ажиллагаа явуулж буй зарим нэг хариуцлагагүй аж ахуйн нэгж, иргэдийн зүй зохисгүй үйл ажиллагааны улмаас Хөвсгөл нуурын эко систем алдагдах аюул нүүрлэж, нуурын ус ихээр бохирдож, байгаль орчинд сөргөөр нөлөөлөх болсон.

Тиймээс Хөвсгөл нуурыг хамгаалах, зүй зохистойгоор ашиглах, хөгжүүлэх зорилгоор нуурт живсэн машин техникийг татан гаргах комиссын ажил үргэлжилж байна.

БОАЖЯ-ны сайд Б.Бат-Эрдэнэ "Энэхүү ажилд Онцгой байдлын ерөнхий газар маань маш сайн ажиллаж байгаа бөгөөд 08 сарын 27-ноос эхлэж гүний судалгааг хийж эхэлсэн" гэв.

Одоогийн байдлаар Хатгал нуурын 30 метр гүнд нэг завь, 130 метр гүнд чиргүүлтэй машин байж болзошгүй техникийг олоод байгаа аж.

Япон Улсын Байгаль орчны яамтай хэлэлцсэний дагуу татан гаргах ажиллагаа, судалгааны техникүүдийг авч эхлэхээр бэлтгэж байгаа бөгөөд сайхан үр дүн үргэлжлэн гарна гэдэгт итгэж байна хэмээв.