Хүний эрхийн Үндэсний Комисс болон Жендэрийн Үндэсний хорооны хамтарсан баг 2022 оны 10 дугаар сарын 07-08-ны өдрүүдэд Сүхбаатар аймагт ажиллалаа.

Ажлын хэсэг Сүхбаатар аймгийн Жендэрийн салбар хороо болон холбогдох төрийн байгууллагаас Жендэрийн эрх тэгш байдлыг хангах тухай хуулийг хэрэгжүүлж буй нөхцөл байдал, үр дүнтэй танилцав. Түүнчлэн хуульд заасан чиг үүргийн хүрээнд аймгийн ИТХ-аас хяналт тавьж ажиллаж буй асуудлаар аймгийн Жендэрийн салбар хорооны дарга, гишүүд, аймгийн ИТХ-ын төлөөлөгч нартай уулзалт зохион байгууллаа.

Жендэрийн эрх тэгш байдлыг хангах бодлого, үйл ажиллагаа, алсын хараа, жендэрийн бодлого, төлөвлөлт, төсөвлөлт, ач холбогдол, эрүүл мэнд, боловсролын салбарын жендэрийн бодлого, цаашид анхаарах асуудлаар бодлогын зөвлөмжүүд өгч ХЭҮК-ын Жендэрийн асуудал хариуцсан гишүүн Х.Мөнхзул ажлын байрны дарамт, ажлын байрны бэлгийн дарамтын талаар Сүхбаатар аймгийн Жендэрийн салбар хорооны гишүүд, ИТХ-ын төлөөлөгч, салбар болон орон нутгийн холбогдох байгууллагуудын удирдлагуудад мэдээллийг өгч ажиллахын зэрэгцээ хамгаалах байрны үйл ажиллагаатай танилцав.