Төрөөс хөгжлийн бэрхшээлтэй хүүхдэд үзүүлж байгааг үйлчилгээг сайжруулах зорилгоор БШУЯ, ЭМЯ, ХНХЯ хамтран салбар дундын уулзалт зөвлөгөөнийг сар бүр зохион байгуулах болсон. Энэ сарын төлөвлөгөөт уулзалт боллоо. Уулзалтаар:

• Боловсролын багц хуулийн өөрчлөлт
• Төсвийн тодотгол
• Нярайн скрийнинг гэсэн багц сэдвээр салбар бүр мэдээлэл өглөө.

БОЛОВСРОЛЫН ХУУЛИЙН ӨӨРЧЛӨЛТИЙН ҮР ДҮНД ...

• Хөгжлийн бэрхшээлтэй хүүхдийг сургах хувьсах зардлын аргачлал, бүрэлдэхүүнийг шинэчилнэ.
• Боловсролын байгууллага нь хүүхдийн ялгаатай хэрэгцээнээс үл шалтгаалан боловсрол эзэмших нөхцөлийг бүрдүүлнэ.
• Суралцагчийн ялгаатай хэрэгцээг хангах сургалтын тохирох хэрэглэгдэхүүн бүхий орчин бүрдүүлнэ.
• Ганцаарчилсан сургалтын төлөвлөгөө боловсруулан эцэг, эхийн оролцоотойгоор хэрэгжүүлнэ.
• Суралцагчийн танхимд хичээллэх хугацааг уян хатан тогтооно.
• Хөгжлийн бэрхшээлтэй суралцагчтай ажиллаж буй багш, багшийн туслах, ажилтанд нэмэгдэл хөлс олгоно.
• Явуулын багшийн үйлчилгээг нэвтрүүлнэ.
• Дэмжих төвийг түшиглэсэн боловсролын үйлчилгээг нэвтрүүлнэ.
• Боловсролын бүх түвшинд дэвшин суралцах боломжийг бүрдүүлнэ

ТӨСВИЙН ТОДОТГОЛЫН ҮР ДҮНД...

• Нийгмийн халамжийн тэтгэвэр 288 мянгаас 325 мянган төгрөг
• Хөгжлийн бэрхшээлтэй хүүхдийн амьжиргааг дэмжих мөнгөн тэтгэмж 288 мянгаас 325 мянга
• Ахмад настан, хөгжлийн бэрхшээлтэй иргэнийг асарч байгаа иргэний тэтгэмж 84,5 мянгаас 275 мянга
• Хөгжлийн бэрхшээлтэй хүүхэд асарч байгаа иргэний тэтгэмж 123,1 мянгаас 275 мянга болж нэмэгдэнэ.