Тулгар төрийн 2233 жил, Их Монгол Улс байгуулагдсаны 818 жил, Үндэсний эрх чөлөө, тусгаар тогтнолоо сэргээн мандуулсны 113 жил, Ардын Хувьсгалын түүхт 103 жилийн ой, Үндэсний их баяр наадмын босгон дээр Төрийн өмчийн бодлого, зохицуулалтын газрын Хурлын танхимд эрхэлсэн ажилдаа амжилт гаргаж, үр бүтээлтэй ажилласан ТӨБЗГ-ын зарим ажилтан, албан хаагчдад шагнал гардуулах ёслолын ажиллагаа болж өнгөрлөө.

Шагнал гардуулах ёслолын ажиллагаанд Төрийн өмчийн бодлого, зохицуулалтын газрын дарга Б.Цэнгэл, Захиргаа, удирдлагын хэлтсийн дарга Н.Ганболд, Мэдээлэл, технологийн албаны дарга М.Нямсүрэн, Төрийн өмчийн удирдлага, зохицуулалтын хэлтсийн Төлөвлөлт, хөрөнгө оруулалтын албаны дарга Ц.Шинэхүү нар болон тус газрын нийт хамт олон байлцлаа.

Монгол үндэсний их баяр наадмыг тохиолдуулан төрийн өмчит салбарт олон жил ажилласан хувь нэмрийг нь өндрөөр үнэлж “Төрийн албаны тэргүүний ажилтан” цол тэмдгээр Захиргаа, удирдлагын хэлтсийн дарга Н.Ганболд, Төрийн өмчийн удирдлага, зохицуулалтын хэлтсийн Төлөвлөлт, хөрөнгө оруулалтын албаны дарга Ц.Шинэхүү, “Төрийн хяналтын тэргүүний ажилтан” цол тэмдгээр Төрийн өмчийн хяналт, шалгалтын хэлтсийн дарга Ц.Түвшинзаяа, "Санхүү, банкны тэргүүний ажилтан” цол тэмдгээр мэргэжилтэн А.Алтаншагай, “Тэргүүний архивч” хүндэт тэмдгээр Захиргаа, удирдлагын хэлтсийн архивч Л.Одмаа нар тус тус шагнагдлаа.

Монгол Улсын Ерөнхийлөгчийн 2024 оны 07 дугаар сарын 03-ны өдрийн 97 дугаар зарлигаар төрийн шагнал "Хөдөлмөрийн хүндэт медаль”-иар шагнагдсан Төрийн өмчийн хяналт, шалгалтын хэлтсийн мэргэжилтэн М.Баярцэцэг, Хууль, эрх зүйн хэлтсийн мэргэжилтэн Ч.Лхагвадорж, Захиргаа, удирдлагын хэлтсийн ерөнхий нягтлан бодогч Д.Отгонтуяа, хүний нөөцийн мэргэжилтэн Н.Дагиймаа, жолооч Х.Базаррагчаа, бичиг хэргийн ажилтан В.Хишигдэлгэр нарын шагналыг Төрийн өмчийн бодлого, зохицуулалтын газрын дарга Б.Цэнгэл гардуулан өгч, баяр наадмын мэнд хүргэж, эрүүл энх, сайн сайхныг хүслээ.

Нар хур тэгширсэн,
Найр хуур эгшиглэсэн
МОНГОЛ НААДАМ айсуй!

Сэтгүүлч

Сэтгүүлч Б.Хонгорсайхан