УИХ-ын гишүүн З.Энхболд энэ сарын хоёрны өдрөөс эхлэн тойрогтоо ажиллаж байна. Тэрбээр энэ удаад Өвөрхангай аймгийн Арвайхээр, Гучин-ус, Богд, Баруун Баян-Улаан, Нарийн тээл, Хайрхан дулаан, Уянга, Зүүн Баян-Улаан гэсэн нийт найман сумдад ажиллах ажээ. Өнгөрсөн пүрэв гаригт З.Энхболд гишүүн аймгийн төвд шинээр байгуулагдаж байгаа “Интернэт үйлчилгээний төв”-ийн нээлтэд оролцжээ. Дараагийн өдрүүдэд Гучин ус, Богд, Баруун Баян-Улаан, Нарийн тээл сумдуудад ажиллаж, иргэд сонгогчдын санал бодлыг сонссон байна.