С.Ганбаатар нэр дэвшигчийн үнэмлэхээ авчээ
УИХ-ын сонгуульд нэр дэвшигчид өчигдөр буюу зургаадугаар сарын 7-нд батламжаа гардаж авсан.
Энэ үеэр УИХ-ын гишүүн С.Ганбаатарт батламж өгөөгүй гэх мэдээлэл тарсан юм. Гэвч энэ нь ташаа мэдээлэл бөгөөд УИХ-ын гишүүн С.Ганбаатар нэр дэвшигчийн батламжаа авчээ. Тэрбээр Дархан-Уул аймгийн 43 дугаар тойрогт нэр дэвшиж байгаа юм.
"Эх Орончдын Нэгдсэн Эвсэл"-ээс нэр дэвшигч С.Ганбаатар нь хуурамч материал бүрдүүлэн сонгуульд нэр дэвшсэн талаар иргэн С.Наранцэцэг, Б.Цэрэнбадам нар СЕХ-нд гомдол гарган 31 хуудас баримт бичиг CD-ний хамт хүлээлгэн өгсөн нь С.Ганбаатарыг нэр дэвшүүлээгүй гэсэн яриа дэлгэрэхэд хүргэсэн бололтой. Сонгуулийн Ерөнхий хорооноос уг гомдлыг судалж үзээд Цагдаагийн байгууллагад шалгуулахаар хандсан байна.
Түүнийг ийнхүү ЦЕГ-т шалгуулж байгаа нь сонгуульд оролцуулахгүй байх зорилгоор хийж буй зохион байгуулалттай үйлдэл гэж нэр дэвшигч үзэж байгаа аж.
ШИНЭ МЭДЭЭ
