Ийгл телевизийн “Бадарчийн Жаргалмаа” нэвтрүүлэгт МАН-ын бүлгийн дарга С.Бямбацогт оролцлоо.

Гацууртын ордын асуудал дээр МАН-ын бүлэг ямар байр суурьтай вэ ?

МАН-ын бүлэг Гацууртын ордыг стратегийн ордод оруулахыг дэмжиж байгаа. Учир нь Монгол орны санхүү эдийн засгийн байдал тийм ч сайн биш байна.

Монгол улс руу орох валютын урсгал муу, түүнчлэн валютын нөөц бага, ханш өсөлттэй энэ үед үүнийг дагаж бараа бүтээгдэхүүний үнэ өсч байгаа үед томоохон ордуудыг эдийн засгийн өсөлтөд оруулж, экспортынхоо орлогыг нэмэгдүүлж дээрх асуудлыг шийдэх шаардлага гарч байгаа юм.

Тиймээс 50 тонн алтны нөөцтэй гэж гацууртын ордыг стратегийн ордод оруулж цаашид маш хурдан эдийн засгийн эргэлтэд оруулах шаардлагатай гэж үзэж байна.

Гацууртын ордоос гадна алтны 50 гаруй ордууд илэрсэн байдаг. Үүнд ч үйл ажиллагаа явуулах боломж ч гэсэн байгаа гэж салбарынхан байр сууриа илэрхийлж байна. Өөрөөр хэлбэл өнөөдөр зөвхөн Гацууртын ордыг харж байгаа нь ойрын хоёр жилдээ мөнгө олох гэсэн ядсан арга байгаа учир алс хэтийн эдийн засагт нөлөөлөхгүй гэдгийг шүүмжилж байна. Ер нь судалгаа нь ямар үндэслэлтэй гэж бодож байна вэ ?

Үргэлжлэлийг бичлэгээс үзнэ үү.