2016.07.23

Сайд нар томилогдсоныхоо маргаашнаас самарч эхэлнэ шүү

УИХ-ын чуулганы нэгдсэн хуралдаанаар ЗГХЭГ-ын даргаар Ж.Мөнхбатыг томилох эсэх асуудлыг хэлэлцэж, гишүүдийн 95.4 хувь дэмжлээ.

Томилгоог хийхийн өмнө УИХ-ын гишүүд байр сууриа илэрхийллээ.

УИХ-ын гишүүн Ж.Батзандан “Сайд нар томилогдсоныхоо маргаашнаас самарч эхэлнэ шүү. ЗГХЭГ-ын дарга ноён нуруутай байхгүй бол наад хэдэн сайд нар чинь яамдыг самарна. Хамгийн толгой муутай хүмүүс сайд нар байдаг. Зөв удирдахгүй бол төрийн ажлыг самарна. Төрийн ажлын туршлагагүй, бизнес хөөсөн хэдэн сайдаа сайн хазаарлаарай.

Ирэх дөрвөн жилд Тогтвортой хөгжлийн бодлогоо барьж ажиллаарай. Замаасаа төөрөөд хадуурчихав. Хэдэн сайд нараа зөв чиглүүлээд явбал Монгол төрийн бодлого зөв явна.