Хүнийг хүндэлдэггүй, хүний хийснийг үнэлдэггүй, монгол уламжлал ёсоо үл ойшоосон шинэ үе бүрдэхвий гэсэн айдас улам бүр тодорсоор. Үүнд төрөөс бодлого хэрэгжүүлж, ялангуяа гэрийн хүмүүжил, ерөнхий боловсролын сургууль, цэцэрлэгээр дамжуулан суурь боловсрол олгох нь чухал байгаа юм. Энэ асуудлаар баасан гарагт томоохон зөвлөгөөн боллоо. Боловсролын салбарынхны хувьд энэ чиглэлд тусгай хөтөлбөр боловсруулан хэрэгжүүлэх шаардлагатай байгааг онцолж байгаа юм.

НИТХ-ын дарга С.Амарсайхан: Монгол орон ирээд хэрхэн яаж хөгжих, оршин тогтнох эсэх, ямар хэмжээнд хөгжин дэвших вэ гэдэг бол яах аргагүй Монгол хүний хөгжлөөс шууд шалтгаална. Тэр дундаа Монгол Улсын ирээдүй болсон бидний хүүхэд залуусын төлөвшил, хүмүүжил, боловсрол, мэдлэгээс шалтгаална. Нөгөө талаараа хүүхэд багачуудын сургалт, хүмүүжлийн асуудлыг хариуцаж байгаа багш, ажилтан, албан хаагч, нийгмийн ажилтнуудын чадвар, мэдлэг чухал.