Нийслэлийн 9 дүүрэгт үйл ажиллагаа явуулж буй жижиг дунд үйлдвэр үйлчилгээ эрхлэгчидтэй уулзаж, ЖДҮҮ-г дэмжих тухай хуулийн хэрэгжилттэй танилцаж, бичил үйлдвэр үйлчилгээ эрхлэгчдийг дэмжих тогтолцоог оновчтой болгох чиглэлээр байгуулагдсан ажлын хэсэг хэлэлцүүлэг өрнүүлж байна:

Энэ үеэр бизнес эрхлэгчдийг дэмжих чиглэлд
төрөөс барьж буй бодлого шийдвэр,
төсөл хөтөлбөрүүд,
зээлийн сангуудын үйл ажиллагаа, өнөөгийн нөхцөл байдал,
цаашид хэрэгжүүлэх арга хэмжээний талаар танилцуулж, бизнес эрхлэгчдийг санал хүсэлтийг сонслоо.

Хэлэлцүүлгийн үеэр:

Зээлийн сангуудын хөрөнгө хангалтгүй, мөнгөжүүлэх шаардлага бий талаар
Хилийн чанадад байгаа Монголчууддаа чиглэсэн бүтээгдэхүүн эскпортыг хөгжүүлэх
Экспортод бүтээгдэхүүнээ гаргахад дэмжлэг үзүүлэх,
Үйл ажиллагаа эрхэлж буй ЖДҮҮ эрхлэгчдэд НӨАТ, нийгмийн даатгалын хөнгөлөлт үзүүлэх
Зээлийн сангуудыг уялдаа холбоотой ажиллуулах
Нийслэлд ЖДҮҮ эрхлэгчдийг дэмжиж, олгогдохгүй байгаа зээлийг яаралтай олгох
Орхигдсон байгаа Ахуйн үйлчилгээний салбарыг онцгойлон дэмжих
Хөгжлийн бэрхшээлтэй иргэдийг ЖДҮҮ эрхлэх боломжийг нэмэгдүүлж, сангийн зээлийн ангиллын санхүүжилтийг нэмэгдүүлэх
Түрээсийн төлбөр өгч байгаа тохиолдолд төр хөнгөлөлт үзүүлэх
Банкны хүүг дараа сараас шууд авдагийг болиулах
Банкны өндөр хүүний ард бизнес босч чадахгүй байгаа талаар
Импорт орлох бүтээгдэхүүнийг эх орондоо үйлдвэрлэж байгаа тохиолдолд импортын гаалийн татварыг нэмэгдүүлж, өрсөлдөх боломжийг дээшлүүлэх
Борлуултын сувгаа нэмэгдүүлж, сүлжээ дэлгүүрүүдэд бүтээгдэхүүнээ борлуулахад 25% хөнгөлөлт 10% НӨАТ нийт 35 хувь авахаар ашигт ажиллах боломжгүйд хүрч байгаа тул энэ төрлийн зохицуулалтыг бий болгох
Үйлдвэрийн зориулалттай олгож буй газрын дэд бүтцийг хөгжүүлэх
НӨАТ төлөгчийн босгыг нэмэгдүүлэх
зэрэг тулгамдаж буй бэрхшээлүүдээ хэлж байлаа.
Ажлын хэсэг өнгөрсөн хугацаанд нийт 8 аймгийн 1700 орчим бизнес эрхлэгчидтэй уулзаж, хэлэлцүүлэг өрнүүлэн тэдний санал хүсэлтийг аваад байна.
Бизнес эрхлэгчдийн тулгамдсан асуудлууд гаргасан санал хүсэлтүүд цаашид хууль эрхзүйн орчинд тусгалаа олж, бизнесийн таатай орчныг бүрдүүлэхийн төлөө ажлын хэсэг ажиллана.

Жижиг, дунд үйлдвэр, үйлчилгээг дэмжих тухай хуулийн үр нөлөөний талаар хэлэлцүүлэг зохион байгуулагдлаа