Хятадын Худалдааны яамны хэвлэлийн төлөөлөгч Шэнь Даньян 16-ны өдөр хэлэхдээ, Хятадын гадаад худалдаа тэнцвэртэй байдлаа үндсэндээ биелүүлсэн тул зарим улс орны юанийн валютын ханштай холбоотой зэмлэл нь ямар ч үндэс баримтгүй, ямар ч зарчимгүй юм гэжээ.

Шэнь Даньян хэлэхдээ, энэ оны 1-ээс 10-р сарын хооронд Хятадын худалдааны ашгийн хэмжээ тасралтгүй буурч, ＧＤＰ-ийн 1.4 хувийг л эзлэх болж, Америк зэрэгтэй хийсэн нийт гадаад худалдааны байдал тэнцвэртэй байж, энэ оны эцэс гэхэд дээрх өөдрөг байдал улам эрчимжинэ гэдэгт итгэж байна гэлээ.

Тэрээр мөн хэлэхдээ, юанийн ханш тасралтгүй өсөж буй нөхцөлд Хятад Америкийн худалдааны ашиг буурахгүй харин нэмэгдэж буй нь 2 шалтгаантай. Нэгд Америкийн эдийн засгийн бүтцэд асуудал гарсан, хоёрт Америк Хятадад экспортлох бараа бүтээгдэхүүнд хориг тавих, гадуурхах бодлого хэрэгжүүлсэн байж болзошгүй гэжээ.