Сонгуулийн хуулиас болоод эрх баригчид хусмаа чамласан хүүхэд шиг чуулганы танхимд шаагилдах боллоо. Ядахад хуулинд заасан цаг хугацаа дөхчихсөн болохоор асуудлыг яаралтай шийдэхээс аргагүйд хүрч байна. Тиймээс УИХ-ын дарга Д.Дэмбэрэл «Намууд бүлэг дотроо асуудлаа шийдээд ир» хэмээн лүндэн буулгадаг болчихоод байгаа гэнэ.

Өчигдөр чуулганы хуралдааны үеэр ноён спикер мөн л гишүүдийг «Бүлэг дотроо тохиролцоод, байнгын хорооны хурлаар саналаа нэгтгээд ир» хэмээсэн. Харамсалтай нь АН-ын гишүүд үүнийг дэмжихгүй нэлээд шуугилдахад «Дуугүй бай. Битгий олуулаа шаагилдаад бай» хэмээн зан-дарсан юм. Түүний дууны өнгө нь илт дургүйлхэж, уурласан шинжтэй байсанд АН-ын бүлгийнхэн алмайрч, зарим нэг нь бантсандаа гарч одоцгоов. Түүний энэ авирыг өөрийн намын бүлгээ дэмжиж, цөөнхөд хатуурхсан нь илэрхий харагдаж байна хэмээн АН-ын гишүүд мушгин гуйвуулж байлаа. Үнэн хэрэгтээ спикер хатуурхсандаа биш хэт улстөржилтөөс залхсандаа тийм үйлдэл гаргасан биз ээ.