Америкийн алдартай санхүүч Жорж Сорос АНУ-ын Ерөнхийлөгч Барак Обамаг дэмжиж байгаагаа илэрхийлэн түүний сонгуулийн кампанит ажилд зориулан хоёр сая ам.доллар өгчээ.

Энэхүү хөрөнгийг “улс төрийн үйл ажиллагааны супер хороо” гэгчид шилжүүлэн өгөх юм. Ийм байгууллагууд нь сонгуулийн штабуудтай харьцуулахад санхүүгийн тусламж хүлээн авах боломжоор хязгаарлагддаггүй байна.

Б.Обамагийн гол өрсөлдөгчид болох Бүгд найрамдахчууд сонгуулийн үйл ажиллагаандаа зориулан зуун сая ам.доллар цуглуулаад байгаа гэнэ.

Сонгуулийн штабтаа зориулан хөрөнгө цуглуулах ажлаараа Барак Обама гол өрсөлдөгч Митт Ромнигээс түрүүлж байгаа бөгөөд түүний санд нийтдээ 147 сая ам.доллар хуримтлагдаад байна. Үүнээс гадна хэдэн арван сая доллар Ардчилсан намын Үндэсний хорооны дансанд орж ирсэн байгаа юм.