Монгол орны олон аймагт түймэр асч аюултай байдалд хүрээд байгаа билээ. Ой, хээрийн түймрийн нөхцөл байдал хүндэрч болзошгүй байгаа тул Хөвсгөл, Сэлэнгэ, Булган аймгуудын түйм­рийн голомт бүхий сум, орон нут­гуудад үүлэнд зориудаар нөлөөлж хур тунадас оруулах ажлыг Ус цаг уур, орчны шинжилгээний газар, "Хурын шим" төвүүд хийхээр болжээ. Дөрвөн  хэсэг экспедицийг ажил­луулахаар бэлтгэлээ хангасан байна. Иймд, дээрх аймгуудын түймрийн голомт бүхий сумдаар энэ сарын 11,12-ны өдрүүдэд хур тунадас орохыг Онцгой байдлын ерөнхий газраас анхаарууллаа.

Мөн цаг агаарын урьдчилсан мэ­дээ­­гээр өнөө маргаашдаа ихэнх нутгаар салхины хурд зарим газ­раар 18-20 метр секунд хүрч ши­рүүсч шороон шуургатай байх тул сонор сэрэмжтэй байхыг сэрэмж­лүүллээ. Он гарсаар Монгол Улсын хэмжээнд 17 аймгийн 71 суманд 117 удаагийн ой, хээрийн түймэр гараад байна. Одоогийн байдлаар Сэлэнгэ, Хөвсгөл,  Бул­ган, Архан­гай аймагт түймэр асч байна. Харин Дорнод аймгийн Баяндун сумын нутаг Шивэртийн ам гэдэг газар гарсан хээрийн түймрийг унтрааж орон нутагт хүлээлгэн өгсөн байна.