Монгол Улсад Генерал цол бий болсны 70 жилийн ойг тохиолдуулан дүүргийн ИТХ, ЗДТГ, Цэргийн штабаас хамтран дүүргийн харьяалалтай генералуудаа өнөөдөр хүлээн авч, хүндэтгэл үзүүллээ.

Арга хэмжээг ИТХ-ын дарга Ц.Батхүү нээж, Засаг даргын орлогч Т.Баясах, Засаг даргын зөвлах Ш.Батхишиг, ЗДТГ-ын дарга Б.Амартүвшин, Төлөөлөгч Ё.Оюунчимэг, Д.Нэргүй, Цэргийн штабын дарга Ч.Цог, Цагдаагийн 1,2-р хэлтсийн дарга Б.Эрдэнэном, Т.Дамбийням болон бусад албан хаагчид тэдэнд баяр хүргэсэн юм.

Хүндэтгэлийн арга хэмжээнд зориулж дүүргийн “Соёлын ордон”-ы дуучин,   морин хуурч нар мэндчилгээ дэвшүүллээ. Баянзүрх дүүрэгт өдгөө 18 генерал амьдарч байгаа бөгөөд өнөөдрийн арга хэмжээнд Дэслэгч генерал Ц.Бямбажав, Хошууч генерал З.Болдбаатар, Б.Баярмагнай, Я.Чойжамц, О.Үржин, Ц.Саандр, Д.Чимид-Юндэн нар, Бригадын генерал Г.Энхбаатар, Н.Энхбаялаг, Н.Наран-Очир, Ш.Лхачинжав, Д.Энхбаатар, Ж.Бадамбазар, Д.Даваа, М.Хүрлээ, Р.Сүхбат нар хүрэлцэн ирж, түүхэн дурсамжаасаа хуваалцсан юм. 

Дашрамд сонирхуулахад, Монгол Улсын цэргийн түүхэнд 160 генерал төрснөөс 90 гаруй генерал энх тунх амьдарч байна.