2015 оны 7 дугаар сарын 29-ний өдрийн 10 цагийн байдлаар 

Монгол улсад:

Улаанбурхан өвчин:

-Улсын хэмжээнд 21011 сэжигтэй тохиолдол бүртгэгдсэний 1191 хүн лабораторийн шинжилгээгээр, 8416 хүн эпидемиологийн холбогдол, эмнэлзүйн шинж тэмдгээр тус тус батлагджээ.

-ХӨСҮТ-д нийт 84 хүн хандаж, 6 хүн шинээр хэвтэж, 11 хүн эмчлэгдэн гарч, 54 хүн одоо эмчлэгдэж байна. Үүнээс 20 өвчтөн хүнд болон хүндэвтэр явцтай, 12 хүн эрчимт эмчилгээнд эмчлэгдэж байна.

 Эх сурвалж: ХӨСҮТ

Хэрэгжүүлж буй хариу арга хэмжээ

Улаанбурхан өвчний талаарх мэдээллийг холбогдох байгууллагад түгээж, мэдээлэл сурталчилгааг ЭМСЯ-ны цахим хуудас www.mohs.mn болон www.facebook.com/EOC.health фейсбүүк хуудсаар сурталчилж байна.

Архины хордлого: 

7 дугаар сарын 21-28-нд нийслэлийн эмнэлгүүдэд нийт 327 хүн хандаж, эрүүл мэндийн тусламж авсан байна. Энэ нь өнгөрсөн долоо хоногийн үзүүлэлтээс 29%-иар буурсан байна.

Эх сурвалж: НЭМГ

Хэрэгжүүлж буй хариу арга хэмжээ

-Мэдээллийг холбогдох байгууллагуудад хүргүүлэв.

Дэлхий дахинд:

Хүний Коронавирүст (MERS-CoV) халдвар:

-Саудын Араб улсад лабораториор батлагдсан 8 тохиолдол, 2 нас баралтыг мэдээлсэн байна. -БНСУ, БНХАУ-д нийт 186 лабораториор батлагдсан тохиолдол бүртгэгдэж, 36 хүн нас барсан байна. Нас баралтын түвшин 19.3%.

-Дэлхий дахинд 1382 лабораториор батлагдсан тохиолдол бүртгэгдэж, 493 (35.6%) хүн нас барсан байна. Эх сурвалж: ДЭМБ

Хэрэгжүүлж буй хариу арга хэмжээ

-ЭМСЯ-ны цахим хуудас www.mohs.mn болон www.facebook.com/EOC.health фейсбүүк хуудсаар сурталчилж байна.

Эбола вирүст халдвар:

-2015 оны 07 дугаар сарын 19-ны байдлаар 27807 хүн өвчилж, 11333 (40.7%) хүн нас баржээ. Эрчимттэй тархалттай байгаа Гвиней, Сьерра-Леон, Либери улсад өнгөрсөн долоо хоногийн хугацаанд нийт 26 хүн шинээр мэдээлэгдсэн байна.

Эх сурвалж: ДЭМБ

Хэрэгжүүлж буй хариу арга хэмжээ

ЭМСЯ-ны цахим хуудас www.mohs.mn болон www.facebook.com/EOC.health фейсбүүк хуудсаар сурталчилж байна.