УИХ-ын гишүүн, БОАЖ-ын сайд Д.Оюунхорол шинэ жилийн баярыг тохиолдуулан сонгогдсон тойргийнхоо буюу БЗД-ийн 1, 2, 3, 7, 21, 27 дугаар хорооны амьжиргааны түвшин доогуур айл, өрхийн 500 гаруй хүүхдүүдтэй хамт шинэ жилийн баяр тэмдэглэж, бэлэг өглөө.

Мөн энэ үеэр тухай тухайн салбартаа ихийг хийж бүтээсэн Т.Цэцэгмаа, З.Сэр-Од, С.Балдандож, Ж.Содном, М.Дулмаа, Г.Пунсал, Ж.Саранцэцэг, Д.Оюунчулуун, П.Нямхүү, Ч.Гэсэрмаа нарын ахмадуудыг  Худалдаа үйлдвэр, Хөдөө аж ахуй, Эрүүлийг хамгаалахын  тэргүүний ажилтан цол, тэмдэгээр шагнасныг гардуулан өглөө.  

УИХ-ын гишүүн, БОАЖ-ын сайд Д.Оюунхорол итгэл хүлээлгэж сонгосон ард иргэдийнхээ итгэлийг алдахгүйн төлөө ажиллаж байгаа гэдгээ хэлж, тулгамдсан асуудлуудыг нь шийдэхийн төлөө цаашид ч уйгагүй ажиллана гэсэн юм. Мөн шинэ жилийн баяраа хамт тэмдэглэхээр ирсэн хүүхдүүдэд эх орондоо ихийг хийж бүтээх сайн хүн болон төлөвшихийг захилаа.