Улсын Их Хурлын гишүүн Б.Баттөмөрөөс “1995-2015 оны Нийгмийн даатгалын сангийн хөрөнгө, түүний зарцуулалт, Нийгмийн даатгалын сангийн тухай хууль тогтоомжийн хэрэгжилт, цаашид авч хэрэгжүүлэх арга хэмжээний талаар” Монгол Улсын Ерөнхий сайдад тавьсан асуулгын хариуг өнгөрсөн баасан гаригт УИХ-аар сонслоо. 

Энэ үеэр  О.Баасанхүү гишүүн ХНХСайд Н.Номтойбаяраас хэдэн хэдэн асуудлаар асуулт асуув.

О.Баасанхүү

Манай төр НДСан хүүтэй хадгалуулах нь хэр зөв гарц юм бэ? Хадгаламжийн хүүг аль болох багасгаад давхар зээлийн хүүг багасгах хэрэгтэй гэж харж байгаа. Гэтэл энэ нь зээлийн хүү буурахад саад болох юм биш үү. Үүнд дээр тооцоо байна уу?

Тэтгэврийн зөрүүг арилга гэж сонгууль бүрээр ярьдаг. Энэ тал дээр тодорхой алхам хийж болохгүй юу. Саяхан ахмад насны тухай хууль хөдөлмөрийн хөлсний доод хэмжээ 240 мянга байхад тэтгэвэр түүнээс бага байгаа тухай сэтгэл эмзэглэм тоо сонсож байсан. Үүнтэй энэ бодлого хэрхэн зохицож байна вэ? Хөдөлмөрийн хөлснөөс доош тэтгэвэр өгчхөөд тэгээд ахмадад настнаа хишиг хувь хүртээнэ гээд байдаг...үүнийг ойрын үед тэгшитгэх бодлого байна уу?

Дэлхийн жишгээс хархад ихэнх улс НДСангийн мөнгийг ихэсгэх бодлого барьдаг юм байна дээ. Манайх бол хадгалаад л байж байдаг. Аль нэг улсын шинэ туршлагыг оруулж ирэх боломж бий юу?

Мөн НДсанд мөнгөө төлж буй иргэд хуримтлалаа шалгах боломж байна уу? бидний хадгалж байгаа мөнгө хаана байгааг хэн ч мэдэх боломжгүй байна. 

Н.Номтойбаяр сайд хариулав

Зээлийн тэтгэврийн хүүг бууруулах зорилгоор нийт хөрөнгийн 8 хүрэхгүй хувийг /45 тэрбум төгрөг/ хадгаламж хэлбэрээр байршуулсан. Үүний үр дүнд тэтгэврийн зээлийн фукт 3 хувиар буурсан. Ингэснээр тэтгэврийн зээл төлж байгаа ахмадуудад 15 орчим тэрбум төгрөгөөр бага хүү төлөх нөхцөл бүрдэж байна.

Үлдсэн 92 хувь нь арилжааны банкнуудын хооронд өрсөлдөөн үүсгэх байдлаар байршуулсан. Үүний үр дүнд 35 тэрбум төгрөгийг нэмж олсон. Арилжааны банкнуудад өрсөлдөөн бий болгосон ньс тэтгэвэр тогтоолгогч өөрөө банкаа сонгох боломжыг бүрдүүллээ.

Тэтгэврийн сан алдагдалтай байгаа. Энэ онд 587.5 тэрбум төгрөгийг төсвөөс татаж байж тэтгэвээр тавьж байна. 

Насны хишиг бол тэтгэврээс шал өөр зүйл. Энэ өндөр насалсаных төлөө өгч байгаа мөнгө. НДСангийн мөнгийг Арвижуулах нь мэдээж маш чухал. Гэхдээ эрсдэлгүй байх нь чухал.