УИХ-ын 20-р тойрогт Ардчилсан намаас нэр дэвшигч О.Баасанхүү өчигдөр /2020.06.19/ Бүрэнбүст, Согоот, Уурхайчин, Уртын гол багуудад болон Дулааны цахилгаан станцийн ажилчдын дунд ээлжит уулзалтуудаа зохион байгууллаа. Эрдэнэтийн Дулааны цахилгааны станцын ажилчдын тухайд өөрсдөө урьж уулзалт зохион байгуулсан төдийгүй бүх зүйл дээр дэмжиж хамтарч ажилладагт нь талархаж байгаагаа илэрхийлж байсан юм.

Харин тойргийн болон бусад багийн иргэдийн хувьд АН-ыг багаар нь сонгох хүсэлтэй байгаагаа дурьдахын сацуу үргэлж дайчин, зоригтой дуугарч, хэн нэгний гар хөл болоогүй хэмээн нэр дэвшигч О.Баасанхүүг тодотгож байв.

Түүний хувьд тойрогтоо эргэн ирсэн цорын ганц гишүүн. Тэр ч утгаараа ганц гишүүнээ ганцаардуулахгүй багаар нь дэмжинэ гэдгээ уулзалтанд ирсэн иргэд, сонгогчид илэрхийлж байлаа. Мөн намаас нь түүнийг ялгаварлан гадуурхаж хөөсөн байхад намаа сольсон хэмээн худал хөөсрүүлж байгаа зарим иргэдийн үгэнд автаж сэтгэлээр унаж болохгүй хэмээн ахмадууд онцгойлон захиж байсныг нь дурдах нь зүйтэй биз ээ.

Ямартаа ч уулзалт бүр дээр О.Баасанхүүг дэмжиж байгаа, Чи ялна, энэ удаад чамайг ганцаардуулахгүй багаар нь сонгоно, чи улс төрд заавал байх ёстой түшээ, тэдний бузар булайг дэлгэдэг болохоор чамайг гүтгэж, дайрч давшиж байгааг мэдэж байгаа, Эрдэнэтдээ эргэн ирсэнд баяртай байна, хамгийн энгийн үргэлж нээлттэй байдаг гишүүн гэх зэргээр иргэд урмын үгс харамгүй хайрлаж байсан юм.

Нэр дэвшигч О.Баасанхүүгийн хувьд сонгууль болгоноор улс төржүүлдэг Эрдэнэтийн цагаан тоосны асуудал, 49 хувь, Зэс эрдэнийн хувь, С.Зоригийн хэрэг зэргээр попрохыг хүсэхгүй байгаагаа онцлон, харин хийх ажил, хэрэгжүүлэх мөрийн хөтөлбөр, нэн даруй боловсруулж батлах шаардлагатай байгаа хуулийн төслүүд, асуудлын гарц гаргалгаа зэрэг нэлээн өргөн сэдвийн хүрээнд уулзалтанд ирсэн иргэд олон нийттэй нээлттэй ярилцаж байлаа.

Ахмадуудын захиас: Хүү минь аливаа гүтгэлэг дайралтанд нурж, шантарч болохгүй

Ахмадуудын захиас: Хүү минь аливаа гүтгэлэг дайралтанд нурж, шантарч болохгүй