УИХ-ын гишүүн Б.Баттөмөр Ерөнхий сайд Ж.Эрдэнэбатад асуулга тавьжээ.

Асуулгад нэгдүгээрт 1995-2015 оны Нийгмийн даатгалын сангийн мөнгөн хөрөнгийн чөлөөт үлдэгдэл хичнээн төгрөгийг хэдэн хувийн хүүтэйгээр арилжааны банкуудад ямар хувийн хүүтэйгээр байршуулж байсан, хоёрдугаарт нийгмийн даатгалын сангийн хөрөнгөөр барьсан конторын болон орон сууц, амралт, рашаан сувилалын зориулалтаар барьсан барилга байгууламж, түүнд зарцуулсан хөрөнгийн талаар тодруулсан байна.

Гуравдугаарт Нийгмийн даатгалын сангийн хөрөнгийг хууль бусаар захиран зарцуулсан гэмт хэргийн шийдвэрлэлт, дөрөвдүгээрт энэ чиглэлийн хууль тогтоомжийн хэрэгжилт, цаашид авч хэрэгжүүлэх арга хэмжээний талаар асуулга тавьсан аж.