2025.07.09
Д.Бум-Очир: Нэгдсэн хуралдаанд худал мэдээлэл танилцуулахыг хориглож хуульчилчхаад байнгын хорооны хуралдааныг орхигдуулж болохгүй
УИХ-ын чуулганы /2025.07.09/-ний өдрийн хуралдаанаар Монгол Улсын Их Хурлын тухай хуульд нэмэлт, өөрчлөлт оруулах тухай хуулийн нэгтгэсэн төсөл болон хамт өргөн мэдүүлсэн хуулийн төслүүдийг хэлэлцлээ.
Хэлэлцэж буй асуудалтай холбогдуулан гишүүд асуулт асуулаа.
УИХ-ын гишүүн Д.Бум-Очир
Хуулийн төслийн 20.30 дээрх заалтаас асуух зүйл байна. Нэгдсэн хуралдаанд худал мэдээлэл ирүүлэх тухайд худал юм уу буруу ташаа мэдээлэл танилцуулах тухай асуудал бий. Гэтэл зөвхөн нэгдсэн хуралдаанд гээд заачихсан. Байнгын хорооны хуралдаануудыг оруулах боломж байгаагүй юу? Хуулийнхаа үзэл баримтлалаас арай өөр болчихно гэж үзсэн юм уу? Эндээс харвал нэгдсэн хуралдаан дээр худал мэдээлэл ирүүлэхгүй байх тухай болчхоод байнгын хорооны хуралдаан дээр худал мэдүүлэг мэдээлэл ирүүлж болох ч юм шиг. Нэг ийм нэг хийдэл гэх үү завсар гэх үү үлдчихээд байна. Үүнийг хараагүй өнгөрнө гэж баймгүй. Өөр хуулиар зохицуулах гэж байгаа юмуу?
Түүний асуултад УИХ-ын гишүүн Баярбаатар хариуллаа.
Сэтгүүлч
