Хуулийн төсөлд Засгийн газраас гадаадын хуулийн этгээд, иргэнтэй байгуулах, олон улсын хувийн эрх зүйгээр зохицуулагдах бизнесийн хэлцэл, гэрээнд энэ хууль үйлчлэхгүй гэж заажээ. Мөн олон улсын гэрээ үйлдэх хэл, орчуулга гэсэн шинэ зохицуулалт оруулж, энэ хүрээнд хоёр талт болон олон талт гэрээ хийхдээ юуг мөрдлөг болгохыг зааж өгчээ.

2015 онд батлагдсан “Монгол Улсын батлан хамгаалах бодлогын үндэс” баримт бичигтэй уялдуулан боловсруулсан Батлан хамгаалахын багц хууль нь энэ салбарт эрх зүйн шинэчлэлт хийж байгаагаараа онцлог юм. Батлан хамгаалахын багц хууль гэдэгт Батлан хамгаалах тухай, Зэвсэгт хүчний тухай, Цэргийн албаны тухай, Цэргийн албан хаагчийн эрх зүйн байдлын тухай хуулиуд багтана.

Уг хуулиар дипломат ажилтан, түүний гэр бүлийн нийгмийн асуудлыг бүрэн шийджээ. Дипломат албанд ажиллагсдын, ялангуяа Дипломат төлөөлөгчийн газрын ажилтан, үйлчилгээ, техникийн ажилтны цалин хөлсийг суугаа орны амьжиргааны өртөг ,амьдралын нөхцөлийг харгалзан Засгийн газар 3 жжил тутам шинэчлэн тогтоохоор болжээ. Мөн энэ хуулийг баталснаар дипломат албан пасдорттой иргэд галт зэвсгийн наймаанд холбогдох зээрг олон зөрчлийг залруулах боломжтой болжээ.

Уур амьсгалын өөрчлөлтийн эсрэг дэлхийн нийтийн хөдөлгөөн болох Парисын хэлэлцээрийг соёрхон баталснаар Монгол Улс 2030 он гэхэд хүлэмжийн хийг 14 хувиар бууруулах үүрэг хүлээж байна.

Уг зорилгоо биелүүлэхийн тулд эрчим хүчний үр ашгийг 5,3 хувиар, цахилгаан дамжуулах, түгээх үеийн алдагдлыг 5,9 хувиар бууруулах, сэргээгдэх эрчим хүчийг хөгжүүлж, нийт чадалд эзлэх хувийг 30 хувьд хүргэх, барилгын дулаан алдагдлыг 40 хувиар бууруулж, шинээр баригдах дулааны цахилгаан станцуудад өндөр технологи ашиглахаар болжээ.

Далайд гарцгүй орнууд “Худалдаа хөнгөвчлөх хэлэлцээр”-т нэгдсэнээр худалдаа, тээврийг хөнгөвчлөх боломжтой юм. Өөрөөр хэлбэл далайд гарцгүй хөгжиж буй орнуудын хувьд гадаад худалдааны зардал 13.2-15.5 хувиар буурч, экспорт 13.8-22.3 хувь хүртэл нэмэгдэх боломжтой аж.

Энэхүү хууль батлагдсанаар Монгол Улсын төрийн болон албаны нууцыг хамгаалах үндэсний тогтолцоо боловсронгуй болж мэдээллийн нууцлалт, хадгалалт шинэ шатанд гаржээ. Төрийн бодлогын хүрээнд есөн төрлийн мэдээлэл, эдийн засаг, технологийн хүрээнд дөрөв, батлан хамгаалах хүрээнд 15, тагнуул, сөрөх тагнуул, хууль сахиулах хүрээнд 18, мэдээллийн аюулгүй байдлын болон бусад хүрээнд 14 гээд нийт 5 хүрээнд 32 төрлийн мэдээллийг төрийн нууцад хамааруулээ.

Австри Улсын техник, технологийг нэвтрүүлэх сонирхолтой төслийн хэгэцээ, шаардлага их байгааг харгалзан Монгол Улсын Засгийн газар, Австри улсын Засгийн газар хооронд 40 сая еврогийн “Санхүүгийн хамтын ажиллагааны хэлэлцээр”-ийг 2016 оны 06 дугаар сарын 10-ны өдөр байгуулжээ.

Энэхүү хөнгөлөлттэй зээлээр дэд бүтэц, байгаль орчин, хог хаягдал, замын хөдөлгөөний аюулгүй байдал, төмөр зам, боловсрол, техник, мэргэжлийн сургалт, эрүүл мэнд, нийгмийн хамгааллын салбарын төслүүдийг санхүүжүүлэх юм.

Гамшгаас хамгаалах тухай хуулийг шинэчилснээр гамшгаас хамгаалах тогтолцоо оновчтой болж, албан хаагчдын сахилга хариуцлага сайжрахын зэрэгцээ гамшгийн эрсдэл буурах боломж бүрдсэн байна. Мөн хуульд онцгой байдлын албан хаагчдын нийгмийн хамгаалал, тэдний эрх зүйн байдлыг дээрдүүлэх тодорхой зохицуулалтыг тусгаж өгчээ.

Олон улсын хэмжээнд гамшгаас хамгаалах үйл ажиллагаанд ашигладаг нэр томъёог өөрийн орны онцлогт нийцүүлэн, нөр томьёоны давхцалыг арилгаж, ойлгомжтой байдлаар цэгцэлжээ.

“Экспортыг дэмжих төсөл” нь уул уурахйн бус салбар дахь Монгол Улсын хувийн хэвшлийн аж ахуйн нэгжүүдийн экспортын чадавхыг бэхжүүлж, гадаад зах зээлд нэвтрэх болмжийг нэмэгдүүлэх зорилготой. Уул уурхайн бус салбар гэдэгт жижиг, дунд үйлдвэрийн санхүүжилт, санхүүгийн зах зээл, дотоодын болон олон улсын худалдаа, аж үйлдвэрийг салбаруудыг хамруулж байна.

Тус зээлийн хэлэлцээрээр аж үйлдвэр, төмөр зам, дэд бүтэц, хөдөө аж ахуй болон бусад салбарын хөгжлийн төслүүдийг дэмжихээр Энэтхэгийн талтай тохиролцжээ. Ингээд Засгийн газрын 2017 оны 2 дугаар сарын 17-ны өдрийн 59 дүгээр тогтоолоор Монгол Улсын Засгийн газар, Бүгд Найрамдах Энэтхэг Улсын Экспорт-Импорт банк хоорондын 1 тэрбум ам.долларын зээлийн ерөнхий хэлэлцээрийн хүрээнд “Газрын тос боловсруулах үйлдвэр барих” төслийг санхүүжүүлэхээр тогтсон байна.

Зээлийн ерөнхий хэлэлцээрийн хүрээнд хэрэгжүүлэх төсөл тус бүрийн 85 хувийг БНХАУ-ын Засгийн газар, 15 хувийг Монгол Улсын Засгийн газар санхүүжүүлэх нөхцөлийг өөрчлөх талаар хэлэлцээ хийж, БНХАУ-ын Засгийн газар санхүүжүүлэх хэмжээг 95 хувь болгон нэмэгдүүлэхээр тохиролцсон.

Энэхүү экспортын зээл нь 50 сая еврогийн хэмжээтэй, жилийн 0,15 хувийн хүүтэй, 28 жилийн хугацаатай бөгөөд үндсэн төлбөрөөс чөлөөлөгдөх хугацаа нь 5 жил байх аж.

Дээрх зээлийн нөхцөл нь 2014 онд тохиролцсон нөхцөлөөс сайжирсан бөгөөд зээлийн хугацаа 25 жил байсныг 28 жил, төслийн гэрээний үнийн дүнгийн 95 хувийг санхүүжүүлнэ гэснийг 100 хувь зээлээр санхүүжүүлэхээр тохиролцож хэлэлцээрийн төсөлд тусгажээ.

Монгол Улсын Засгийн газар, Хөдөө аж ахуйг хөгжүүлэх олон улсын сангийн санхүүжилтээр “Зах зээл ба бэлчээрийн удирдлагын төсөл”-ийг 2011-2017 оны хооронд хэрэгжүүлжээ. Уг төслийн хүрээнд Архангай, Булган, Говь-Алтай, Хөвсгөл, Хэнтий аймгаас сонгож авсан 89 сум хамрагдаж, нийтдээ 120 бэлчээрийн малчны бүлэг, 455 эмэгтэйчүүд давамгайлсан бүлэгт дэмжлэг үзүүлсэн байна.