Нийгмийн даатгалын хууль нэмэлт өөрчлөлт оруулж, энэ оны 1 дүгээр сарын 1-нээс эхлэн малчны насыг 5 жилээр наашлуулсан. Үүнтэй холбоотойгоор улсын хэмжээнд гэхэд энэ онд 13 мянга орчим малчид тэтгэврээ шинээр тогтоолгуулах болсон.

Харин өнөөдрийн байдлаар дөнгөж 900 гаруй иргэний материал нь шаардлага хангасан байна. Харин үлдсэн иргэдийн хувьд мал тооллогын А данс олдохгүй байгаагийн улмаас тэтгэвэр тогтоолгоход хүндрэл үүсээд байна.

ХНХ-ын сайд С.Чинзориг: Суманд нь малчны жилийн эцсийн А данс архивтай байхгүй байвал сумын засаг даргад орон тооны бус зөвлөл байгуулж ажиллах эрхийг нь өгөөд, 1995 оноос хойш малчнаар ажилласан гэдгийг нь зөвлөл дээр ярьж тогтоох эрхийг нь тогтоолгох өөрчлөлт оруулахаар ажиллаж байна.