УИХ-ын сонгуульд оролцох нэр дэвшигчдийн нэрсийг нам эвслүүд хуулийн хугацаанд багтаж тодрууллаа. 2024 оны УИХ-ын сонгуулийн үр дүнгээр анх удаа 126 гишүүн сонгогдоно. Ингэхдээ, Үндсэн хуульд зааснаар, УИХ-ын 126 гишүүний 78-ыг нь олныг төлөөлөх зарчмаар (мажоритор), 48-ыг нь хувь тэнцүүлэн төлөөлөх (пропорционал) аргаар сонгоно.

УИХ-ын сонгуулийн 1-р тойрогт МАН, АН, ХҮН намаас нэр дэвшигчид

МАН-ын жагсаалтад УИХ, Засгийн газрын гишүүдээс хэнийг ч оруулаагүй. Тиймээс Л.Оюун-Эрдэнийн танхимд ажиллаж буй Засгийн газрын гишүүд бүгд тойрогт дэвшихээр болсон. УИХ-ын сонгуулийн 1-р тойрог нь 9 мандаттай бөгөөд сайд нараас:

Гадаад харилцааны сайд Б.Батцэцэг,
Батлан хамгаалахын сайд Г.Сайханбаяр,
Эрүүл мэндийн сайд С.Чинзориг нар дэвшиж байна.

Л.Оюун-Эрдэнийн танхимын 19 сайдаас 17 нь дараах тойргуудад нэр дэвшиж байна. Засгийн газрын тэргүүн Л.Оюун-Эрдэнийн хувьд УИХ-ын Сонгуулийн 6-р тойрог Дорнод, Сүхбаатар, Хэнтийд нэр дэвшиж байгаа юм.

Байгаль орчин аялал жуулчлалын сайд Б.Бат-Эрдэнэ-УИХ-ын Сонгуулийн 4-р тойрог Булган, Хөвсгөл, Орхон
Барилга, хот байгуулалтын сайд Ц.Даваасүрэн-УИХ-ын Сонгуулийн 4-р тойрог Булган, Хөвсгөл, Орхон
Батлан хамгаалахын сайд Г.Сайханбаяр-УИХ-ын Сонгуулийн 1-р тойрог Архангай, Өвөрхангай, Баянхонгор
Боловсрол шинжлэх ухааны сайд Л.Энх-Амгалан-УИХ-ын Сонгуулийн 4-р тойрог Булган, Хөвсгөл, Орхон
Гадаад харилцааны сайд Б.Батцэцэг-УИХ-ын Сонгуулийн 1-р тойрог Архангай, Өвөрхангай, Баянхонгор
Зам тээвэр, хөгжлийн сайд С.Бямбацогт-УИХ-ын Сонгуулийн 2-р тойрог Говь-Алтай, Завхан, Ховд, Увс
Сангийн сайд Б.Жавхлан-УИХ-ын Сонгуулийн 5-р тойрог Дархан-Уул, Сэлэнгэ, Төв
Соёлын сайд Ч.Номин-УИХ-ын Сонгуулийн 11-р тойрог Сонгинохайрхан дүүрэг
Уул уурхай, хүнд үйлдвэрийн сайд Ж.Ганбаатар-УИХ-ын Сонгуулийн 9-р тойрог Баянгол дүүрэг
Хөдөлмөр, нийгмийн хамгааллын сайд Х.Булгантуяа-УИХ-ын Сонгуулийн 8-р тойрог Баянзүрх дүүрэг
Хууль зүй дотоод хэргийн сайд Б.Энхбаяр-УИХ-ын Сонгуулийн 8-р тойрог Баянзүрх дүүрэг
Хүнс, хөдөө аж ахуй, хөнгөн үйлдвэрийн сайд Х.Болорчулуун-Нэр дэвшихгүй
Цахим хөгжил, харилцаа холбооны сайд Н.Учрал-УИХ-ын Сонгуулийн 10-р тойрог Сүхбаатар, Чингэлтэй
Эрүүл мэндийн сайд С.Чинзориг- УИХ-ын Сонгуулийн 1-р тойрог Архангай, Өвөрхангай, Баянхонгор
Эрчим хүчний сайд Б.Чойжилсүрэн-УИХ-ын Сонгуулийн 2-р тойрог Говь-Алтай, Завхан, Ховд, Увс
Эдийн засаг, хөгжлийн сайд Ч.Хүрэлбаатар-УИХ-ын Сонгуулийн 2-р тойрог Говь-Алтай, Завхан, Ховд, Увс
Монгол Улсын сайд, Олимп, нийтийн биеийн тамир, спортын үндэсний хорооны дарга Б.Бат-Эрдэнэ-Нэр дэвшихгүй
Монгол Улсын сайд, Нийслэл Улаанбаатар хотын авто замын түгжрэлийг бууруулах Үндэсний хорооны дарга Б.Дэлгэрсайхан-УИХ-ын Сонгуулийн 7-р тойрог Говьсүмбэр, Дорноговь, Дундговь, Өмнөгөвь
Монгол Улсын сайд, Боомтын сэргэлтийн Үндэсний хорооны дарга Б.Тулга-УИХ-ын Сонгуулийн 5-р тойрог Дархан-Уул, Сэлэнгэ, Төв

Нэгдүгээр тойрогт, гурван сайд хүч үзнэ

Нэгдүгээр тойрогт, гурван сайд хүч үзнэ