УИХ-ын гишүүн Ж.Ганбаатар, Б.Жавхлан, М.Оюунчимэг, Б.Ундармаа, Л.Элдэв-Очир нар бүрэн эрхийнхээ хүрээнд санаачлан боловсруулсан “Жижиг, дунд үйлдвэрийн тухай” хуулийн шинэчилсэн найруулгын төслийг Монгол Улсын Их Хурлын дарга М.Энхболдод өргөн барисан. Энэ бол Засгийн газраас өргөн барьж байгаа Татварын хуулийн өөрчлөлттэй нэг талаараа холбогдож байгаа хуулийн төсөл юм.  Энэ талаар УИХ-ын гишүүн Ж.Ганбаатар тайлбар хийлээ.

УИХ-ын гишүүн Ж.Ганбаатар: ААН-ийн орлогын албан татвар 10% байна гэдэг нь 100 төгрөгийн ашиг олж байгаа тохиолдолд 10 төгрөгөө өгч байна гэсэн үг. Үүнийг нь хөнгөлж өгч байгаа юм. Тухайн  жижиг дунд үйлдвэр эрхлэгчээс  2 жилийн дараа дунд ААН-тэй болоод ажлын байрны орон тоог нэмэгдүүлээчээ төр гэж хүсэж байна. Энэ бол төрийн дэмжлэгийн гол зорилго.  Мөн нэг ААН-д хэдэн зуугаар нь концесс, тендер ярьдаг байж, 54 000 ААН-ийн орлогын албан татварт 10-12 тэрбумын асуудлыг бол шийдэхэд төсөвт дарамт үүсэхгүй.