Улсын бүртгэлийн ерөнхий хуулийг УИХ өчигдөр хэлэлцэн баталсан.

Энэ хуулийг дагалдан 5 хуулийн өөрчлөлтийг хамтад нь баталснаар иргэний, хуулийн этгээдийн болон эд хөрөнгийн бүртгэлийн харилцааг хүртээмжтэй, уялдаатай болгож байна. Энэ хүрээнд иргэний цахим үнэмлэхийг солихгүйгээр мэдээллийн багтаамжийг нь аль хэдийн нэмсэн гэдгийг албаныхан мэдэгдсэн.

УИХ-ын гишүүн Л.Мөнхбаатар: Төрийн цахим мэдээллийн санг бий болгоно. Ингэснээр төр өөрт байгаа мэдээллээ иргэдээс шаардахгүй гэсэн үг. ТҮЦ машин бол завсрын шийдэл байсан. Энэ машин одоо шаардлагагүй болж байна. Энэ хууль энэ оны 11 сарын 1-нээс хэрэгжиж эхэлнэ. Энэ хугацаанд хуультай хобогдуулж 33 журам, хуулийг хэрэгжүүлэхтэй холбоотой бэлтлгэл ажлыг хангах шаардлага байгаа.