Хичээлийн шинэ жил эхлэхээс урьтаж сургууль, цэцэрлэгийн засвар, гаднах талбайн тохижилтын ажлууд эрчимтэй хийгдэж, дуусах шатандаа орж байна. Үүний нэг жишээ бол Баянзүрх дүүрэг.

УИХ-ын гишүүн Ж.Энхбаяр Баянзүрх дүүргийн 6, 15, 18, 25, 26-р хороог хамарсан тойргоос сонгогдсон бөгөөд тэрээр тойрогтоо хийгдэж байгаа бүтээн байгуулалтын ажлуудын явцтай танилцсан байна.

Мөн Баянзүрх дүүргийн 6, 15, 18, 25, 26-р хороодын орон сууц, цэцэрлэг, сургууль орчмын авто зам, явган хүний замыг шинэчлэн хийж байна. Түүнчлэн орон сууцны хороолол дундах орчны тохижилтын ажлууд ч амжилттай хийгдсэн байна.

Дээрх хороодын орон сууц, сургууль, цэцэрлэгийн зам барилга, орчны тохижилтыг хариуцан гүйцэтгэж байгаа компаниуд ажлаа эрчимтэй хийж байна.