2020.09.21
Хөнгөлөлттэй эмийг бүх эмийн сангаар арваннэгдүгээр сарын 1-нээс олгож эхэлнэ
Монгол Улсын Ерөнхий сайд У.Хүрэлсүх эрүүл мэндийн салбарт ажиллаж байна.
2020-2024 онд хэрэгжүүлэх ажлуудаас:
-Иргэн бүрээ жилд нэг удаа зайлшгүй үзлэг, шинжилгээнд хамруулдаг болох ажлыг эхлүүлсэн
-Цахим цогц тогтолцоог нэвтрүүлж, хүнд суртлыг халах ажил эхэлсэн
-5 дүүрэгт яаралтай түргэн тусламжийн төвийг ажиллуулна
-Эмнэлэгүүд үзсэн, эмчилсэн хүний тоогоор ЭМ-ийн даатгалын сангаас санхүүжилт авч эмнэлэгийн ажилтнуудын цалинг нэмэгдүүлнэ
-Хөнгөлөлттэй эмийг бүх эмийн сангаар арваннэгдүгээр сарын 1-нээс олгож эхэлнэ гэх мэт иргэн төвтэй ажлуудыг хийхээр ажиллаж байна.
Эрүүл мэндийн яамнаас КОВИД-19 халдварыг дотооддоо алдахгүй байх, дотроо алдсан тохиолдолд ямар арга хэмжээ авч, хохирол багатайгаар даван туулах вэ гэсэн зарчмыг барьж ажиллаж байна.
Дотооддоо алдах эрсдлийг багасгахын тулд оношилгооны лабораториудыг нэмж байгуулж байна. ХӨСҮТ-ийн Биоаюулгүй байдлын 3 дугаар зэрэглэлийн лабораторийг 12 дугаар сар гэхэд ашиглалтад оруулахаар ажиллаж байна. Сэлэнгэ, Замын-Үүд, Дорнод аймгийн лабораториудыг өргөтгөнө. ХӨСҮТ-ийн орны нөөцийг 450 болгон нэмэгдүүллээ.
- Хан-Уул дүүрэгт байрлах 300 ортой төрөх эмнэлэг;
- АШУҮИС-ийн дэргэдэх сургалтын эмнэлэг;
- Улсын Гуравдугаар төв эмнэлэг (Мэдрэлийн тасаг)
- Нийслэлийн 9 дүүргийн болон 21 аймгийн нэгдсэн эмнэлгүүдийг нийт 1000 орчим нэр төрлийн 11500 гаруй эмнэлгийн тоног төхөөрөмж, эм, эмнэлгийн хэрэгсэл болон хувийн хамгаалах хэрэгслээр хангаж, 1000 ортой эмнэлэг дэлгэн ажиллуулах нөхцлийг бүрдүүлэхээр ажиллаж байна.
