Эрүүл Мэндийн Яам болон Солонгосын Олон Улсын Эрүүл Мэндийн Сан /СОУЭМС/ 2015 оноос эхлэн “Үндэсний Оношлогоо Эмчилгээний Төв” байгуулах МОН-8 төслийн хүрээнд хамтран ажиллаж байгаа билээ.

ҮОЭТ нээлтээ хийж байгаатай холбогдуулан БНСУ-ын Засгийн газар, СОУЭМС-аас 349,478,305 воны үнэ бүхий 15 нэр төрлийн 79,487 ширхэг хандивын эмийг 2019 оны 12 дугаар сарын 06-ны өдөр хүлээн авлаа.

2019.07.05-ны өдөр УХТЭ-ийн Үндэсний Оношлогоо Эмчилгээний Төвийн нээлтийн үйл ажиллагааны үеэр БНСУ-ын KOFIH байгууллагаас дээрх хандвийн эмийг нийлүүлэхийг шийдвэрлэсэн ба МУ-ын засгийн газрын гишүүн, ЭМ-ийн сайд Д.Сарангэрэл, ЭМЯ-ны удирдлагууд, УХТЭ-ийн захирал асан Г.Баясгалан, УХТЭ-ийн хамт олон уг эрхийн бичгийг хүлээн авчээ.

Нээлтийн ёслолын үйл ажиллагаанд БНСУ-ын Үндэсний ассемблийн гишүүн хатагтай Jun Hye Sook, СОУЭМС-ийн ерөнхийлэгч ноён Choo Moo Jin, Засгийн газрын Эрүүл Мэнд & Нийгмийн Халамжийн хорооны гишүүн, Үндэсний ассемблийн гишүүн ноён Yoo Jae Jung, Үндэсний ассемблийн гишүүн ноён Oh Jae Sae, Үндэсний ассемблийн гишүүн хатагтай Choi Do Ja, Монгол Улсад суугаа БНСУ-ын элчин сайд асан ноён Chung Jae Nam тэргүүтэй 18 хүний бүрэлдэхүүн ирсэн байна.

Тус хандивт дараах нэр төрлийн эмүүд нийлүүлэгдсэн:

артерын даралт багасгах
өвдөлт намдаах
эсрэг
ханиадны эсрэг
хоолны шингэц сайжруулах

ЭМЯ, УХТЭ-ийн хамт олон БНСУ-ын Засгийн Газар, СОУЭМС-ийн хамт олонд талархсанаа илэрхийлж байна.

Хоёрдугаар төв эмнэлэг 349,478,305 воны үнэ бүхий тусламжийн эм хүлээн авлаа