Өнгөрсөн УИХ-ын сонгуулиар хамгийн өндөр санал авсан нэр дэвшигчдийн нэг болох УИХ-ын гишүүн Хассуурийн Ганхуяг өөрийн сошиал хуудсандаа 100 хоногт хийж гүйцэтгэсэн ажлын тайлангаа цахим хэлбэрээр байршуулжээ.

Жилийн эцэст өнгө алагласан сэтгүүлээр иргэд сонгогчдод тайлангаа хүргэдэг уламжлалыг эвдэж, цаг тухайд нь олон нийтэд нээлттэйгээр ийнхүү байршуулсанд иргэдийн зүгээс сайшаалтай байгаа аж.

Төрийн үйлчилгээг цахимжуулж, иргэдэд хүртээмжтэй байдлыг дээшлүүлэх зорилготой “E Mongolia” хөтөлбөр орон даяар хэрэгжиж эхлээд буй энэ цаг үед магадгүй эрхэм гишүүний энэ санаачлага бусад гишүүдэд мөн жишиг болон хэрэгжих биз ээ.