Улаанбаатар хотод Монгол улсын хүн амын 50% нь амьдарч байна. Төвлөрөл нь агаар, хөрсний бохирдол, түгжрэл, бухимдал болоод удлаа. Засгийн газраас төвлөрлийг сааруулах хүрээнд Эрдэнэт, Дархан хотуудруу шинэ зам тавих, хот суурин бий болгох төлөвлөлтийг ярьж байгаа.

Энэ хүрээнд Улаанбаатар-Эрдэнэт хотын хооронд 270 км авто зам, хурдны галт тэрэг, 50-60 км тутам 150000-200000 хүнтэй суурин байгуулах төслийг эхлүүлээд байна.

Урьд нь БНСУ-ын Сөүл хотын захиргаатай энэхүү төслийн зураг төсөв, асуудлыг ярилцан газар дээр нь үзэж танилцаад 2 тэрбум вон буюу 5 орчим тэрбум төгрөгийг төсөвлөх боломжтойг илэрхийлсэн бол өнөөдөр БНХАУ-ын ӨМӨЗО-ны төлөөллийг хүлээн авч ажиллаж эхэллээ. Эрдэнэт хотын иргэдийн дунд онлайн санал асуулга ч эхэллээ.