Өнөөдөр  МҮЭ-ийн холбооны Ерөнхийлөгч С.Эрдэнэбат ОУХБ-ын Нийгмийн хэлэлцээр, хөдөлмөрийн харилцааны ахлах мэргэжилтэн Ёонгмо Юныг хүлээн авч уулзлаа.

Уулзалтын эхэнд МҮЭ-ийн Холбооны Ерөнхийлөгч С.Эрдэнэбат МҮЭ-ийн холбооны товч мэдээлэл, МҮЭ-ийн холбооны Хөгжлийн хөтөлбөрийн таван зорилтын талаар дэлгэрэнгүй тайлбар өгч мөн МҮЭ-ийн холбооноос сүүлийн үед хийж хэрэгжүүлж байгаа ажил болон ОУХБ-тай хамтран хэрэгжүүлж байгаа төсөл хөтөлбөрүүдийн явц үр дүнгийн талаар ярьсан юм. Түүнчлэн ҮЭ-ийн хөдөлгөөнд тулгарч буй сорилт бэрхшээлүүд тэр дундаа БНМАУ-ын ҮЭ-үүдийн эрхийн тухай хуулийг шинэлчлэн батлахтай холбоотой урган гарч буй саад бэрхшээлийн талаар танилцууллаа.

Ахлах мэргэжилтэн Ёонгмо Юн нь манай улсын хөдөлмөрийн хуулийн шинэчлэл,  гүйцэтгэлд суурилсан цалин хөлсний тогтолцооны асуудлаар түншлэгч талуудтай хамтран ажиллаж байсан туршлагатай ба энэ удаад МҮЭ-ийн холбоотой өөрийн мэргэшсэн дээрх асуудлуудын хүрээнд хамтран ажиллах боломжийн талаар ярилцаж, ҮЭ-ийн хөгжил, тулгарч буй бэрхшээлд ОУХБ-ын зүгээс хамтран ажиллах хүрээнд харилцан санал солилцов.

Уулзалтын төгсгөлд ахлах мэргэжилтэн Ёонгмо Юн МҮЭ-ийн холбоотой бүх талаар хамтран ажиллахдаа таатай байхыг илэрхийлж, хөдөлмөрийн маргааныг шуурхай зохицуулах гурван талт салбар хорооны гишүүдийг чадавхжуулах богино хэмжээний сургалтад МҮЭ-ийн төлөөллийг оролцуулах боломжтойг дуулгаж цаашид олон талт үйл ажиллагааг хамтран хэрэгжүүлж ОУХБ-ын зүгээс бүх талаар хамтран ажиллахад нээлттэй байгаагаа илэрхийлж байсан юм.