Хөвсгөл аймгийн Рашаант сумын харьяат Агнуур зүйч, Биологич Чойжоон Бүүвэй маань Байгаль орчны Гавьяат ажилтан болсонд баяр хүргэе.

• Тэрээр 1974-1979 онд МУИС-д суралцаж төгссөн.
• 1979-1984 онд Ой модны аж үйлдвэрийн яамны харъяа Монголын анчдын нийгэмлэгийн төв зөвлөлд мэргэжилтэн
• 1984-1986 онд Байгаль хамгаалах яамны харъяа Бугын аж ахуйд орлогч дарга
• 1986-1988 онд Байгаль хамгаалах яамны харъяа Хөвсгөл аймаг Цагааннуур сумын Цаа буга агнуурын аж ахуйд орлогч дарга
• 1988-1993 онд Ой ан судлалын хүрээлэнд Эрдэм шинжилгээний ахлах ажилтан
• 1993-2000 онд Эрдэм шинжилгээ туршилт үйлдвэрлэлийн Халиун буга төвд эрдэм шинжилгээний ахлах ажилтан
• 2002-2006 онд Байгаль орчны мэргэжлийн байгууллага Мореаль ХХК-д экспедицийн ахлагч, мэргэжилтэн
• 2006-2013 онд Байгаль орчны мэргэжлийн байгууллага Амьтан асралт ХХК байгуулан захирал, гүйцэтгэх захирал
• 2013 оноос өнөөдрийг хүртэл Авралын эрэлд ХХК-ийн зөвлөхөөр ажиллаж байна.

• 2006 онд Амьтан асралт ХХК-ийг байгуулж Төв аймгийн Батсүмбэр суманд нэн ховор, ховор хөхтөн амьтан өсгөн үржүүлэх, сэргээн нутагшуулах зорилгоор 2900 га талбайг хуулийн дагуу гэрээгээр эзэмшиж амьтан тэжээж, өсгөн үржүүлж эхэлсэн.
• Сүүлийн 5 жилд Халиун бугын 80 илийг /төл/ барьж өсгөн бойжуулахаас гадна, сэргээн нутагшуулах ажлуудыг Дархан цаазат Богд уулын захиргаатай хамтран зохион байгуулж байна.
• 2017 онд Бугын или /төл/ барьж бойжуулж, сэргээн нутагшуулах арга аргачлалыг ХААИС-ийн эрдэмийн зөвлөлөөр батлуулсан.
• Мөн 2017 онд Бугын или /төл/ өсгөн бойжуулж, сэргээн нутагшуулах арга бүтээлээ Шинжлэх ухаан, утга зохиолын бичмэл бүтээл болгон Монгол Улсын Зохиогчийн эрхийн 8450 дугаартай гэрчилгээгээр улсын бүртгэлд бүртгүүлсэн байна.
• 2019 онд Халиун буга гаршуулах ба эвэр боловсруулах технологи бүтээлээ хэвлүүлсэн.