“Ерөнхийлөгч бол бурхны суудал. Ерөнхийлөгчөөр ажиллаж байсан хүн эргэж улс төрд ноцох хэрэггүй” хэмээн Хууль зүй, дотоод хэргийн сайд асан Ц.Нямдорж нэгэнтээ хэлсэн байдаг. Хэрэв улс төр рүү байнгын эргэж ноцож байгаагийн цаана томоохон эрх ашиг бий. Нарийн авч үзвэл эрх ашиг гэхээсээ илүүтэй өдүүлсэн хэрэг, томоохон айдас бий гэх логик холбоос урган гарна.

Нэг сарын хугацаанд нэг улстөрчийг тойрсон 3 том асуудал

Нэг.

Өнгөрөгч 3-р сарын 14-ний өдөр Монгол улсын Ерөнхийлөгч асан, “женко” Х.Баттулгын талаарх сэтгүүлч Д.Дөлгөөний бэлтгэсэн нэвтрүүлэг олон нийтэд цацагдсан бөгөөд түүнийг тойрсон хүн амины гэмт хэрэг, хууль бус бизнес, хуулийн цоорхойгоор хэрхэн хөлжсөн талаарх олон баримт дэлгэгджээ. Тодруулбал, тэртээх 1997 оны 17 чингэлэг спиртийн хэргээс авахуулаад Х.Баттулгатай холбоотой 7 хүн амины хэрэг, түүний эмэгтэй туслахууд яллагдагч болж, өдгөө ял эдэлж буй талаар, хар тамхи тээвэрлэдэг шонхор шувууны бүлэглэл, шашины буруу урсгал, Хятадын талд ажиллаж, мухар төмөр зам барьсан ичгүүрт хэрэг, улс төр, бизнесийн хүрээнд хийсэн наядаар хэмжигдэх хулгай, луйвар тэргүүтэй олон хэргийг баримт дээр үндэслэн харуулжээ.

Хоёр.

ЗГХЭГ-ын дарга Н.Учрал Засгийн Газрын /2025.04.02/-ний өдрийн хуралдаан дээр Х.Баттулга нь 39 стратегийн ордод хамаардаг Төгрөг нуурын ордыг үндэстэн дамнасан санхүүгийн схем хийж 250 сая ам.доллараар зарсан нь үнэн. Зарахдаа Виржини арал, Сингапур, Хонконгод бүртгэлтэй компаниудаар дамжуулж, үндэстэн дамнасан санхүүгийн схем хийж 250 сая ам.доллараар зарсан. Баялгийг иргэдэд өгье, байгалийн баялагтаа эзэн болъё гэж ярьж байгаадаа эзэн болж энэ олон компаниудтайгаа өөрөө учир, холбогдлоо олж, асуудлыг шийд гэдэг долоо хоногийн хугацаа өгч байгааг мэдэгдээд хэрэв шийдэхгүй бол Засгийн газар дараагийн арга хэмжээг авна гэдгээ илэрхийлсэн юм.

Гурав.

Энэ явдлаас 10 гаруй хоногийн дараа УИХ-ын гишүүн Б.Энхбаяр, П.Сайнзориг, З.Мэндсайхан нарын хамтаар гуравдугаар сарын 28-нд Ерөнхий сайд Л.Оюун-Эрдэнэд хүргүүлсэн гурван асуулт бүхий албан бичгийн хариу ирж, уг хариунд үндэслэн Улсын Их Хурлын дарга болон Ерөнхий сайдад шаардлага хүргүүлж буйгаа мэдэгдсэн юм.

Учир нь ЗГ, яамд, агентлагаас гадна хуульд тусгайлан чиг үүргийг нь заагаагүй 10 хороо 4 зөвлөл байгуулж, 90 орон тоог бий болгон 30 тэрбум төгрөгийн төсвийг хуваарилжээ. Энэ нь хуулиар байгуулагдсан яамд, байгууллагуудтай чиг үүрэг давхардсан, ажилчид нь төрийн албаны шалгалт өгөөгүй, хариуцлага хүлээх эзэн биегүй эрх мэдлийн бүтэц нь төрийг удирдах засаглах удирдах боломжийг алдагдуулахад хүргэж байгааг тодотгожээ. Үүнд “Бүтээмжийн менежер”, “Хяналтын менежер” гэх Төрийн хэмнэлтийн хуулиар хориглосон орлогч захирлын цалин хангамж, статустай албан тушаалд хамтарсан гэх нэрийдлээр Х.Баттулгын туслахаас эхлэн ойрын хүрээллийн хүмүүсийг гол албан тушаалд томилсныг илрүүлжээ.

Энэ баримтад үндэслэн УИХ-ын гишүүн Б.Энхбаяр Үндэстэн дамнасан мөнгө угаах, татвараас зайлсхийх гэмт хэргийн шинжтэй асуудал нь өдөр бүр ил болж буй бөгөөд өөрийг нь дагасан бараг бүх хүн нь гэмт хэрэгт холбогдож өөрөө дандаа хуулийн хариуцлагаас зугтдаг энэ этгээдийн гар хөлүүдийг МАНай намын олонхийн Засгийн газар өөгшүүлж буйг гайхаж байна. “Женкогийн Засгийн газар” нэгэнт болсон байна. Зэвүү хүрч байна. Улс орныг 15 давхараас удирдаж буй гэх яриа худлаа биш болж таарч байна. Нэн даруй энэ танхайрлаа зогсоохыг шаардаж байна" гэжээ.