УЛААНХУС СУМЫН 4-Р БАГИЙН ТАРИАЛАНЧ ХАБЫЛЫН АВДИЛ "УЛСЫН АВАРГА ТАРИАЛАНЧ"-ААР ШАЛГАРЛАА.

Эрхэлсэн ажил хөдөлмөртөө үр бүтээл гаргаж, улсынхаа газар тариалангийн салбарт үнэтэй хувь нэмрээ оруулж Аврагаар шалгарсанд нь баяр хүргэж, эрүүл энх, сайн сайхан бүхнийг хүсэн ерөөе.

УЛААНХУС, ЦЭНГЭЛ СУМЫН ИРГЭДТЭЙ УУЛЗАЛТ ХИЙЖ, XVII ЖАРНЫ "МОДОН МОГОЙ" ЖИЛИЙН САР ШИНИЙН БАЯРЫГ ТОХИОЛДУУЛАН МОНГОЛ УЛСЫН ЕРӨНХИЙЛӨГЧИЙН ЗАРЛИГААР ТӨРИЙН ОДОН МЕДАЛИАР ШАГНАГДСАН ЗАРИМ ИРГЭДИЙН ШАГНАЛЫГ ГАРДУУЛАН ӨГЛӨӨ.

XVII ЖАРНЫ "МОДОН МОГОЙ" ЖИЛИЙН САР ШИНИЙН БАЯРЫГ ТОХИОЛДУУЛАН НОГООННУУР СУМЫН БАХЛАГ БАГИЙН МАЛЧИН ХАУКЕНИЙ БАЙБОЛАТАД "УЛСЫН АВАРГА МАЛЧИН" ШАГНАЛЫГ МАЛЧНЫ ХОТОНД НЬ ГАРДУУЛЖ ӨГЛӨӨ.

Орон нутгийн хөгжилд үнэтэй хувь нэмрээ оруулж, "Элдэв эрдэнэт" хэмээх модон могой жилийн сар шинийн баярын босгон дээр хөдөлмөр зүтгэлээ төрдөө үнэлүүлж, Улсын аварга малчин өрхөөр шалгарсан Х.Байболатын гэр бүлд баяр хүргэж, аз жаргал, амжилт бүтээлийн дээдийг хүсэн ерөөе.

Цагааннуур тосгон байгуулагдсаны 100 жилийн ойн босгон дээр Цагааннуур тосгоноос олон жилийн дараа Улсын аварга малчнаар тодорсон Хадирын Тилеуханы шагналыг гардуулж өглөө. Эрхэлсэн ажил хөдөлмөртөө өндөр амжилт гаргаж, үндэсний баялаг болсон буянт мал сүргээ үр шимтэй өсгөн үржүүлж, орон нутгийн хөгжилд бодитой хувь нэмрээ оруулсан танд болон таны гэр бүлд аз жаргал, эрүүл энх, сайн сайхан бүхнийг хүсэн ерөөе.