Монгол Улсын Засгийн газар Шинэ сэргэлтийн бодлого, Алсын хараа - 2050 хүрээнд Монгол Улсын Ерөнхий сайд салбар бүрийн сэргэлтийг хийх, цахимжуулах, аж ахуйн нэгжүүдэд хүнд сурталгүй хүрч ажиллах өгсөн чиг үүргийн хүрээнд Байгаль орчин, аялал жуулчлалын яам наас 12 дах удаагийн өглөөний цайг Уул уурхайн үндэсний ассоциаци болон салбарын аж ахуйн нэгжүүдтэй хийж байна.

Уул уурхайн үндэсний ассоциацаас дараах 4 гол асуудлыг хөндөж байна. Үүнд:

Нэг. Байгаль орчны нөлөөлөх байдлын үнэлгээтэй холбоотой асуудлууд ихэссэн. Орон нутгаас санал авдаг болсоноос хойш буюу сүүлийн 7 жилийн хугацаанд уул уурхай тодорхой зогсонги хэлбэрт шилжсэн. Хуулиндаа санал авахаар оруулсан боловч орон нутгийн иргэд болон орон нутгийн төрийн байгууллагууд зөвшөөрлийн хэлбэрээр ойлгож байна. Саналыг цахимаас авахуулаад олон хэлбэрээр авах хэрэгтэй байна. Байгаль орчны багц хуулиудад энэ асуудлыг анхаарах шаардлагатай.

Хоёр. Байгаль орчны менежментийн төлөвлөгөөг жил бүр баталдагаас үүдэлтэйгээр аж ахуйн нэгжүүд хохирох, цаг алдах асуудлууд их байна. Менежментийн төлөвлөгөөг 5 жилээр баталдаг мөртлөө жил бүр дахин батлах гэдэг нь давхардсан хүнд суртал гэж ойлгож байна. Тиймээс 5 жилээр баталж байгаа төлөвлөгөөгөө жил бүрээр дахин батлах биш хяналтаа сайн хангаж ажиллах нь зөв гэж үзэж байна.

Гурав. Тэрбум мод үндэсний хөдөлгөөнтэй холбоотойгоор 700 сая орчмыг уул уурхайн компаниуд тарихаар үүрэг хүлээсэн. Тиймээс нөхөн сэргээлт болон мод тарих ажилд идэвхтэй оролцож байна. Уул уурхайн ассоциацаас мод үржүүлгийн компаниудтай хамтран ажиллаж байна. Жилд 15 сая суулгац гаргах боломжтой мод үржүүлгийн компаниуд байна. Тэдэнтэй хамтран ажиллахад хууль, эрхзүйн хүрээнд өөрчлөлтүүд орох хэрэгтэй байна. Уул уурхайн компаниуд нөхөн сэргээлтийг хийхдээ мод тарьдаг. Үүнийг дүйцүүлэх хэлбэрт албажуулж оруулж өгөх хэрэгтэй байна.

Дөрөв. Монгол Улсад аюултай ачаа импортлох боомт алга. Химийн бодистой холбоотой асуудлуудад зоригтой шийдлүүд хэрэгтэй байна. БОАЖЯ химийн бодис зөвшөөрлийг олгодог. Дүрмийг өөрчлөх шаардлагатай. Оролцож байгаа төлөөллийг өөрчлөх, хуралдах цаг хугацааг маш тодорхой болгох. Импорт дээр хүндрэл үүсдэг. БНХАУ-аас авахдаа ОХУ-аар дамжуулан авч байна. Эрээний боомтоор химийн бодисыг тээвэрлүүлэхгүй гэдэг асуудлыг хөндсөн. Химийн бодис, тэсэлгээний бодисийн түр агуулахыг Ханги мандал боомт дээр бий болгох шаардлагатай, зөвшөөрлийг олгох хэрэгтэй байна.

Химийн бодисийг дагаад аюултай хог хаягдлыг устгах компанийн асуудал давхар хөндөгдөнө. Олборлолтоос боловсруулалт, аж үйлдвэржилтээс сэргэлт яригдаж байгаа энэ цаг хугацаанд үйлдвэрийг шинээр барих шаардлагатай байна. Химийн бодисийн хог хаягдлыг төрөлжүүлэх, импортлогч өөрөө хариуцах, төлбөр тооцооны системийг бий болгох бодлого шаардлагатай байна гэх мэт олон саналыг дэвшүүлэн уулзалт үргэлжилж байна.