Манай Ховд аймагт 21 аймгаас хамгийн түрүүнд Хөгжлийн бэрхшээлтэй хүний хөгжлийн төв байгуулагдлаа.

Тус төвийн нээлтэд Монгол Улсын Ерөнхий сайд Л.Оюун-Эрдэнэ оролцсон юм. Энэ үеэр Ерөнхий сайд Л.Оюун-Эрдэнэ Хөгжлийн бэрхшээлтэй иргэдээ дэмжих Засгийн газрын бодлогыг танилцууллаа.

• Засгийн газраас хөгжлийн бэрхшээлтэй иргэдийн нийгмийн халамжийг улам сайшруулна.
• Хөгжлийн бэрхшээлтэй иргэдийн сурч боловсрох эрхийг хамгаална.
• Хөгжлийн бэрхшээлтэй иргэд эрүүл мэндийн үйлчилгээ авах асуудлыг улам хөнгөвчилнө.
• МАН-ын даргын хувьд УИХ-ын сонгуульд нэр дэвшүүлэх жагсаалтын эхний тавд хөгжлийн бэрхшээлтэй иргэдийн төлөөллийг багтаана гэдгээ мэдэгдлээ.

Дашрамд, Ховд аймаг дахь Хөгжлийн бэрхшээлтэй хүний хөгжлийн төвийг Азийн хөгжлийн банкны санхүүжилтээр барьж байгуулсан юм. Энэхүү төв байгуулагдсанаар Ховд аймаг төдийгүй баруун бүсийн аймгийн иргэд тусламж, үйлчилгээ авах боломж бүрдэж, орон нутагт 30 гаруй ажлын байр бий болж байна.